ესეც ემოციური ფოტოს ქართული ვერსია: ბითაძე მარტო არ არის!

გამოცემა Slamonline-მ დრაფტის წინა დღეს გამოაქვეყნა ფოტო, რომელიც, შესაძლოა, წლის ფოტოდ იქცეს. მას ქართველი კალათბურთელებიც უმალ გამოეხმაურნენ, ჟურნალისტებიცა და NBA-ს ვარსკვლავებიც.

სურათი ასახავს პრესკონფერენციას, რომლის დროსაც გოგა ბითაძე და ზიონ უილიამსონი გვერდიგვერდ სხედან. გოგა მორიდებით გაჰყურებს ჟურნალისტების არმიას, რომელიც ზიონს დახვევია, ის ხომ დრაფტის პირველ ნომრად უნდა აირჩიონ.

ძალიან საინტერესოა კომენტარები, რომელთა გაფილტვრის შემდეგ აი, რა მივიღეთ:

მანუჩარ მარკოიშვილი: მათ არ იციან, რეალურად ვინ არის გოგა!!!

დრეიმონდ გრინი (გოლდენ სტეიტი): ბითაძემ ეს ფოტო ჩარჩოში უნდა ჩასვას... ყოველდღიურად უყუროს და გაბრაზდეს!

ბამ ადებაიო (მაიამი ჰიტი): ეს არის მოტივაცია!

დუდა სანაძე: GE Motivation!

შლამონლინე: შეიძლება არ იცით, მაგრამ... ბითაძე ითამაშებს. მოითმინეთ!

თორნიკე შენგელია: ყველამ დაიმახსოვრეთ!!!! მე ვიცი, მას შეუძლია!

დუეინ უეიდი: გამოიყენე ეს, როგორც საწვავი

გოგა ბითაძე: მადლობა ყველას, ეს დამატებითი სტიმულია.

იმავე დღისით გოგამ ამერიკულ მედიასაც მოკლედ უპასუხა Slamonline-ის ფოტოსთან დაკავშირებით:

- საინტერესო სიტუაცია იყო, რამაც კიდევ უფრო მომაშია. უფრო კონცენტრირებული და მოტივირებული ვარ. ვიცი, რომ უილიამსონი ძალიან კარგი კალათბურთელია, პირველია დრაფტზე, მაგრამ ეს მე არ მაღელვებს. ფოტოს გადაღების მომენტში არ ჩანდა, მაგრამ ჟურნალისტები ჩემთანაც მოვიდნენ და არაერთი შეკითხვა დამისვეს. როგორც ვთქვი, ეს ჩემთვის ძალიან საინტერესო იყო.

შეგახსენებთ, რომ 2019 წლის დრაფტი თბილისის დროით 21 ივნისს ღამის 3 საათზე დაიწყება. 

[VIDEO] გოგა ბითაძის რეაქცია ჟურნალისტების უყურადღებობაზე - ამან კიდევ უფრო მომაშია!

5312
მკითხველის კომენტარები / 0 /
მსგავსი ამბები
რუბრიკის სხვა სიახლეები
;