"ესპანიოლი" და "ჯენოა" ვიტალი დარასელიას სახელობის საერთაშორისო ტურნირზე გვესტურებიან

ვიტალი დარასელიას სახელობის საერთაშორისო ტურნირს "დინამო თბილისის" საფეხბურთო აკადემია მესამედ უმასპინძლებს- თბილისური კლუბის ცნობით, ტურნირი 24-29 აპრილს ჩატარდება.

"დარასელიას თასზე" წელს 15 წლამდელთა 8 კლუბი გაითამაშებს. მატჩები "დინამოს" აკადემიისა და ბაზის მოედნებზე ჩატარდება, ხოლო ფინალს "დინამო არენა" უმასპინძლებს.

ტურნირზე ორი ქართული გუნდი ითამაშებს - მასპინძელი "დინამო თბილისი" და ფეხბურთის ფედერაციის აკადემიის გუნდი. მოწვეულები არიან შარშანდელი გამარჯვებული კიევის "დინამო", და კიდევ 5 უცხოური კლუბი - "ესპანიოლი", იტალიური "ჯენოა", ჰოლანდიური "ვიტესი", ასევე მოსკოვის "სპარტაკი" და მინსკის "დინამო".

2017 წელს, დარასელიას თასის ფინალში ერთმანეთს "აზ ალკმაარი" და კიევის "დინამო" შეხვდნენ და თასი უკრაინელთა საკუთრება გახდა.

404
მკითხველის კომენტარები / 0 /
მსგავსი ამბები
რუბრიკის სხვა სიახლეები