ესპანური მედია: ლუის ენრიკე და ჩელსი შეთანხმდნენ

კატალონიური გამოცემა "სპორტი" დაჟინებით ამტკიცებს, რომ "ჩელსის" მესვეურებმა მიაღწიეს შეთანხმებას ლუის ენრიკესთან, რომელთანაც მალე ორწლინახევრიანი (2020 წლის ივლისამდე) კონტრაქტი გაფორმდება.

არადა, ცნობილი იყო, რომ 47 წლის კატალონიელი სპეციალისტი, ვინც გასულ ზაფხულს "ბარსელონადან" აბარგების შემდეგ უმუშევარია, უარს ამბობდა შუა სეზონში მუშაობის დაწყებაზე.

ხოლო, თუ შეთანხმებაზე გავრცელებული ინფორმაცია მართალია, გამოდის, რომ კარგად უმუშავიათ "ჩელსის" მენეჯერებს და ლუის ენრიკეს ისეთი წინადადება შესთავაზეს, უარის თქმა რომ აღარ გამოდიოდა...

მაგრამ ეს ყველაფერი ჯერ არ დადასტურებულა და უნდა დაველოდოთ ოფიციალურ ინფორმაციას.

ისე კი, თუ გარიგება მართლა შედგა და კონტრაქტის გაფორმება დროში არ გაიწელა, ლუის ენრიკეს დებიუტი, შესაძლოა, სულაც ჩემპიონთა ლიგაში, მისი მშობლიური "ბარსელონას" წინააღმდეგ შედგეს...

ყოველდღიური სპორტული გაზეთი "ლელო"
1114
მკითხველის კომენტარები / 0 /
მსგავსი ამბები
რუბრიკის სხვა სიახლეები
;