ესტონეთი-საქართველო 73:80. ტიიტ სოკი: სიურპრიზი საქართველოსგან? არაფერი მოულოდნელი - საქართველო გუნდია!

ესტონეთის ნაკრების მთავარი მწვრთნელი ტიიტ სოკი საქართველოსთან დამარცხების შემდეგ პრესკონფერენციაზე ზედმეტად მშვიდი იყო. ამის მიზეზი ერთ-ერთი კითხვის შემდეგ გავიგეთ. მივყვეთ მოვლენებს თანმიმდევრობით.

- უამრავი შეცდომა გვქონდა. წაგების მთავარ მიზეზად დავასახელებდი ჩვენს მიერ ბევრ გაცუდებულ შეტევას. თუმცა საქართველოს ნაკრებმა ფარქვეშ დიდი უპირატესობა მოიპოვა, რაც წაგების ერთ-ერთი ფაქტორი იყო.

ესტონელმა ჟურნალისტმა მწვრთნელს ჰკითხა - საქართველოს ნაკრებმა რამით თუ გააოცა? ტიიტ სოკის პასუხი ასეთი იყო:

- არა, არაფრით. ვიცოდით რა გუნდიცაა საქართველო და ის კალათბურთი ითამაშა, რასაც ველოდით. როგორც აღვნიშნე, ჩვენს მეტოქეს ფარქვეშ დიდი უპირატესობა ჰქონდა, ვერ მოვახერხეთ მოხსნებისას სათანადოდ ხელის შეშლა. ისიც ვიცოდით, რომ პერიმეტრიდანაც კარგად სტყორცნიან. ამ მიმართულებით დიდი მოცულობის სამუშაო გავწიეთ და თავადაც ნახეთ, მაკფადენის გარდა პერიმეტრიდან, ხიფათი ვერავინ შეგვიქმნა. დავმარცხდით ევროპის ერთ-ერთ გამორჩეულ ნაკრებთან. საქართველო გუნდია.

ესტონეთთან მოგების შემდეგ: რით არის კმაყოფილი და უკმაყოფილო ილიას ზუროსი?

2456
მკითხველის კომენტარები / 1 /
status quo
0
წესიერი კაცი და მწვრთნელი.
მსგავსი ამბები
რუბრიკის სხვა სიახლეები
;