ეს თუ დამტკიცდა... ანუ რატომ ემუქრებიან პსჟ-ს და ჩელსის?

"პარი სენ-ჟერმენს" სერიოზული სანქციები ელოდება უეფასგან, - წერს ორი ავტორიტეტული გაზეთი: ესპანური Aშ და ფრანგული L"Eქუიპე...

მთავარმა ევროპულმა საფეხბურთო ორგანომ კვლავ მიაპყრო ყურადღება პარიზული კლუბის მოღვაწეობას. ეს მოხდა Fოოტბალლ Lეაკს-ის ბოლო ანგარიშების გამოქვეყნების შემდეგ, რომლებშიც გამოაშკარავებულია გუნდში ფეხბურთელების ტრანსფერებისას ფინანსური მაქინაციები.

ცალკე გამოძიებას ჩაატარებს უეფა ნეიმარისა და კილიან მბაპეს ტრანსფერებთან დაკავშირებით. ეს ფეხბურთელები "ბარსელონადან" და "მონაკოდან" 2017 წელს გადავიდნენ პსჟ-ში. თუ დამტკიცდება პარიზელების მხრიდან ფინანსური ფეარ პლეის წესების დარღვევა, არ არის გამორიცხული, ჩემპიონთა ლიგიდან გაძევების ვარიანტი.

ამასობაში, ლონდონის "ჩელსი", შესაძლოა, სერიოზულად დაისაჯოს არასრულწლოვან ფეხბურთელებთან კონტრაქტების გაფორმებისას წესების დარღვევის გამო. არსებული წესების თანახმად, ფიფამ ტრანსფერის ნება უნდა დართოს კლუბს, თუ 18 წლამდე ფეხბურთელს სურს სხვა ქვეყნიდან გუნდში გადასვლა.

როგორც Mედიაპარტ იტყობინება, დღეისთვის ფიფა განიხილავს 19 ტრანსფერის საქმეს, რომელიც უკავშირდება "ჩელსის", ამასთან, 14 შემთხვევაში საქმე ეხება არასრულწლოვან ფეხბურთელებს. ლონდონური კლუბი აქტიურად ცდილობს თავისი უდანაშაულობის დამტკიცებას.

თუ ფიფას მოტყუებაში "ჩელსის" ბრალი დამტკიცდება, ინგლისური კლუბი შეიძლება დაისაჯოს ტრანსფერების აკრძალვით მომდევნო ორი წლის განმავლობაში. აგრეთვე, დაუწესდება სოლიდური ფულადი ჯარიმა.

ყოველდღიური სპორტული გაზეთი "ლელო"
794
მკითხველის კომენტარები / 0 /
მსგავსი ამბები
რუბრიკის სხვა სიახლეები
;