ეს მაგიური მე-17 მუხლი!... აი, როგორ ცდილობს ნეიმარი ბარსელონაში გაქცევას...

შეიძლება, დღეს ტრანსფერებზე ლაპარაკის დრო არ არის, მაგრამ იმედია, ეს უბედურება მალე გადაივლის და ფეხბურთიც თავის დინებას დაუბრუნდება. ეს კი იმას ნიშნავს, რომ კვლავ ჩვეულებრივი ამბავი გახდება სატრანსფერო სპეკულაციებიც.

თუმცა ამ თემებზე დღესაც არ წყდება ლაპარაკი. მაგალითად, იმაზე, რომ ნეიმარი ამ ზაფხულს შეიძლება "ბარსელონაში" დაბრუნდეს. ამ ინფორმაციას კატალონიაში გამომავალი "სპორტის" ჟურნალისტი ხოაკიმ პიერა ავრცელებს.

მისივე ცნობით, "ბარსამ" უკვე ჩააყენა საქმის კურსში პსჟ, რომელმაც შარშან ზაფხულში ბოლო მომენტში გადაიფიქრა 28 წლის ბრაზილიელი შემტევის გაყიდვა. პიერა შეგვახსენებს ფიფას სატრანსფერო რეგულაციების მე-17 მუხლს, რომლის ძალითაც ფეხბურთელის კონტრაქტი მხოლოდ 3 წლით არის დაცული. ესპანური გრანდის მესვეურები სწორედ ამ მუხლის გამოყენებას აპირებენ.

რაც მთავარია, თავად ნეიმარიც ძლიერ არის მონდომებული, დაბრუნდეს "ბარსელონაში", სადაც ძლევამოსილ ტრიოს (მეტსახელად - MSN) ქმნიდა ლიონელ მესისა და ლუის სუარესთან.

შეგახსენებთ, რომ ნეიმარი "ბარსელონაში" 2013 წელს ბრაზილიური "სანტოსიდან" გადავიდა. 2017 წლამდე, ვიდრე "პარი სენ-ჟერმენში" გადაბარგდებოდა, "ბლაუგრანას" მაისურით ჩატარებულ 186 მატჩში, ყველა ტურნირის ჩათვლით, 105 გოლი გაიტანა.

948
მკითხველის კომენტარები / 0 /
მსგავსი ამბები
რუბრიკის სხვა სიახლეები
;