ევრო 2020: ორი რამ, რამაც დაგვაფიქრა...

უკვე ცნობილია საქართველოს ნაკრების კალენდარი ევროპის ჩემპიონატის შესარჩევ ციკლში. ვიცით ისიც, რომ რაოდენ კარგიც უნდა იყოს მატჩების განრიგი, ყველაფერი მაინც მინდორზე წყდება.

ეს თავისთავად, მაგრამ მაინც გადავავლოთ თვალი კალენდარს და ვნახოთ, რა არის საჩვენო და რა - არა. ის, რაზეც არ დავწერთ, ჩავთვალოთ, რომ კარგია. რაზეც გული გვეთანაღრება, ნამდვილად არ დავმალავთ.

პირველი: წარსულის გვარიანი გამოცდილებით ვიცით, რომ საქართველოს ნაკრები ისტორიულად მაინცდამაინც კარგად ვერ თამაშობს მარტში. კი, მარტში მოვუგეთ ხორვატიას, მაგრამ საწინააღმდეგო მაგალითი უფრო ბევრია.

ჰოდა, ზუსტად მარტში ვეთამაშებით შინ ჯერ შვეიცარიას, მერე კი გასვლაზე ირლანდიას - ორი ურთულესი მატჩი სტარტზე. ორი აზრი არ არის, ამ თამაშებზე ბევრი რამ იქნება დამოკიდებული.

მეორე, რაც გვაფიქრებს ისაა, რომ ციკლს შვეიცარიასთან გასვლითი შეხვედრით ვამთავრებთ. ფაქტია, ეს თამაში გადამწყვეტი რომ იყოს, ძალიან გაგვიჭირდება. იქამდე დიდი დროა და ვნახოთ, რა და როგორ იქნება. ფაქტი ისაა, რომ ყველა შეხვედრას, შინ იქნება თუ გარეთ, თუნდაც იმავე გიბრალტართან, მოგება სჭირდება. თუ არა და, ჩვენს მეზობელ სომხეთს ვკითხოთ...

ჩვენი კალენდარი

23.03.2019
საქართველო-შვეიცარია

27.03.2019
ირლანდია-საქართველო

07.06.2019
საქართველო-გიბრალტარი

10.06.2019
დანია-საქართველო

08.09.2019
საქართველო-დანია

12.10.2019
საქართველო-ირლანდია

15.10.2019
გიბრალტარი-საქართველო

15.11.2019
შვეიცარია-საქართველო

ყოველდღიური სპორტული გაზეთი "ლელო"
915
მკითხველის კომენტარები / 0 /
მსგავსი ამბები
რუბრიკის სხვა სიახლეები
;