[ექსკლუზივი ავსტრიიდან] ნაკრები თბილისიდან 10:20 საათზე აფრინდა და ვენაში 10:20-ზე დაეშვა [VIDEO]

საქართველოს ნაკრები 21 თებერვალს ავსტრიაში გაემგზავრა, სადაც პარასკევს მსოფლიოს თასის საკვალიფიკაციო ეტაპის მატჩი ელის მასპინძელთა ნაკრებთან.
ჩვენი გუნდი თბილისის აეროპორტიდან დილას გაფრინდა. საინტერესო სანახავი იყო გაფრენა-ჩაფრენის დაფა: ორივეგან 10:20 ეწერა. ეს ტექნიკური შეცდომა არ ყოფილა, საქმე ის არის, რომ საქართველოსა და ავსტრიას შორის საათობრივი სხვაობა სამი საათია - გუნდი თბილისის დროით 10:20 საათზე აფრინდა და ავსტრიის დროით 10:20-ზე ჩავიდა.

საქართველოს ნაკრები ავსტრიაში 11-კაციანი შემადგენლობით გაფრინდა. ლეგიონერები გოგა ბითაძე და გიორგი ცინცაძე კლუბებიდან თბილისში ჩამოვიდნენ, ვარჯიშიც მოასწრეს და გუნდს ავსტრიაში გაჰყვნენ. ნატურალიზებულ მაიკლ დიქსონს კი თურქეთში ჰქონდა მატჩი და გუნდს ვენაში 22 თებერვალს შეუერთდება.

ილიას ზუროსის კრებული აეროპორტიდან სასტუმრო "ქორთიარდ მერიოტში" გაემგზავრა, დაბინავდა, დასვენებისთვის რამდენიმე საათი ექნება. თბილისის დროით საღამოს 21 საათზე ვენაში პირველ ვარჯიშს გამართავს.

ყოველდღიური სპორტული გაზეთი "ლელო"
3712
მკითხველის კომენტარები / 0 /
მსგავსი ამბები
რუბრიკის სხვა სიახლეები
;