[ექსკლუზივი] გიორგი გაბედავა თბილისის დინამოში ითამაშებს?

"ლელოს" მიერ მოპოვებული ექსკლუზიური ინფორმაციით, "საბურთალოს" ყოფილი შემტევი გიორგი გაბედავა, უდიდესი ალბათობით, კარიერას თბილისის "დინამოში" გააგრძელებს.

გაბედავამ ცოტა ხნის წინ დატოვა დედაქალაქური "საბურთალო". მას სხვადასხვა დროს ზუგდიდის "მგლებში", რუსთავის "მეტალურგში", "გაგრაში", "ილიჩევეცში", "ბაიაში", "ჩიხურაში", "სამტრედიაში", ბათუმის "დინამოსა" და პოლონურ "ზაგლემბიეში" (სოსნოვეცი) უთამაშია.

30 წლის შემტევის თაობაზე სანდო წყარომ გვითხრა, რომ მას ბათუმის "დინამოსთან" ჰქონდა მოლაპარაკება, თუმცა ის აჭარულ კლუბში არ გადავიდა იმის გამო, რომ წამყვანი ქართული კლუბების ხელმძღვანელებმა მოილაპარაკეს - პანდემიის პერიოდში მაქსიმალურად მორიდებოდნენ ერთმანეთის ფეხბურთელების აყვანას...

რა თქმა უნდა, გაბედავა სერიოზული შევსებაა საქართველოს მოქმედი ჩემპიონისთვის. კახა ჩხეტიანის გუნდს სულ მალე მოუწევს ქვეყნის ღირსების დაცვა ჩემპიონთა ლიგაში.

1885
მკითხველის კომენტარები / 0 /
მსგავსი ამბები
რუბრიკის სხვა სიახლეები
;