[ექსკლუზივი] გიორგი ჭიაბრიშვილი: გასული სეზონი საბურთალოსთვის წარმატებული იყო და გეტყვით, რატომაც...

"საბურთალომ" გასულ სეზონში საქართველოს თასი მოიგო და ქვეყნის ჩემპიონატში მესამე ადგილი დაიკავა, მანამდე კი იყო ჩემპიონობა. ფაქტი ერთია: გიორგი ჭიაბრიშვილმა თბილისური კლუბი სრულიად ახალ დონეზე გაიყვანა. მას მერე, რაც გია ცეცაძემ დანიშვნიდან მოკლე ხანში დატოვა "საბურთალოს" მთავარი მწვრთნელის პოსტი, ბევრი ალაპარადა ჭიაბრიშვილის დაბრუნებაზე, მაგრამ ეს ასე არ  მოხდა...

"ლელომ" ვრცელი ინტერვიუ ჩაწერა "საბურთალოს" ყოფილ მწვრთნელთან, რომელიც უაღრესად საინტერესო უნდა იყოს ჩვენი მკითხველისთვის. საუბრისას თანამედროვე ქართული ფეხბურთის არაერთ პრობლემას შევეხეთ, რასაც ფრაგმენტულად შემოგთავაზებთ...

გიორგი ჭიაბრიშვილი აფასებს გასულ სეზონს:

"ვფიქრობ, როგორც პირადად ჩემთვის, ისე ჩვენი გუნდისთვის, გასული სეზონი წარმატებული იყო. ამის თქმის საფუძველს უპირველეს ყოვლისა მაძლევს ის, რომ გუნდმა ტიტულის მოგება მოახერხა. ამასთან ერთად, "საბურთალო" ბოლო წამამდე იყო ჩემპიონობისთვის ბრძოლაში... რაც შეეხება ევროთასებს, ამაზე მე ჩემი აზრი მაქვს. შეიძლება, ბევრს გაუკვირდეს, მაგრამ მე ვერ ვიტყვი, რომ ჩვენი გამოსვლა ევროთასებზე იყო წარუმატებელი. ჩვენ გავცდით ძალიან ძლიერ გუნდს - ტირასპოლის "შერიფს" და თავისუფლად შეიძლებოდა, "შერიფის" ბარიერი ვერც გადაგველახა. კლუბის ხელმძღვანელობასთან ერთად ძალიან დიდი სამუშაო ჩავატარეთ "საბურთალოში", კიდევ რაღაც დრო და სამუშაო სჭირდება გუნდს იმისთვის, რომ მოხვდეს ევროტურნირის ჯგუფურ ეტაპზე. მე ვგულისხმობ აბსოლუტურად კანონზომიერ მოხვედრას ჯგუფში. ჩემი აზრით, ეს სავსებით შესაძლებელია. კიდევ ერთხელ ვიტყვი - არ მიმაჩნია, რომ ევროთასებზე წარუმატებლად ვითამაშეთ", - თქვა გიორგი ჭიაბრიშვილმა.

ინტერვიუ სრულად "ლელოს" პარასკევის ნომერში

584
მკითხველის კომენტარები / 0 /
მსგავსი ამბები
რუბრიკის სხვა სიახლეები
;