[ექსკლუზივი]. კახა კაჭარავა: გვეკითხებოდნენ, დინამოელების ასაკი რეალურიაო?

თბილისის "დინამომ" პირველი თურქული შეკრება დაასრულა და საქართველოში დაბრუნდა. კახა კაჭარავას გუნდმა სამეზობლოში რამდენიმე ამხანაგური მატჩი გამართა.

სულ მალე დინამოელები მეორე თურქულ შეკრებაზე გაემგზავრებიან, მანამდე კი "ლელო" დინამოელთა მთავარი მწვრთნელის, კახა კაჭარავას თურქული შთაბეჭდილებებით დაინტერესდა...

- პირველი შეკრებით კმაყოფილი ვარ, - თქვა კაჭარავამ საუბრის დასაწყისში, - როგორც იცით, თურქეთში ბევრი ახალგაზრდა გვყავდა წაყვანილი და მათ თავის გამოჩენის შანსი მივეცით. გვქონდა ნაყოფიერი ამხანაგური მატჩებიც... პრაქტიკულად, ყველა თამაში ორი შემადგენლობით ვითამაშეთ.
- ზოგადად, საკონტროლო მატჩებს როგორ შეაფასებდით?

- სულ ოთხი სპარინგი გავმართეთ, საიდანაც ორი მოვიგეთ და ორიც წავაგეთ. გუნდის შეთამაშების პროცესისთვის ეს მნიშვნელოვანი მატჩები იყო.

გამოვცადეთ არაერთი ახალგაზრდა ფეხბურთელი, კარგ გუნდებთან ვითამაშეთ, რომლებიც წარმოადგენდნენ უკრაინის, პოლონეთისა და რუსეთის უმაღლესი ლიგის კლუბებს...

ყველა გვეკითხებოდა - მართლა ასეთი ახალგაზრდა ფეხბურთელები გყავთო? ასაკი რეალურიაო? წარმოიდგინეთ, 10-15 წლით ახალგაზრდა მოთამაშეები გვყავდა მეტოქე გუნდების ფეხბურთელებთან შედარებით.

- გუნდის დაკომპლექტების პროცესი დასრულებულია?

- ჯერ არ არის დასრულებული. ბუდუ ზივზივაძემ ძალიან კარგად წარმოაჩინა თავი, მაგრამ გვჭირდება კიდევ ერთი ცენტრალური თავდამსხმელი. ბუდუ კარგად შეეწყო გუნდს, გოლიც შეაგდო და საგოლე გადაცემაც შეასრულა. გარდა ამისა, არ გვაწყენდა გაძლიერება დაცვის ხაზშიც.

- ისე ჩანს, ცენტრალური მცველის პოზიციაზე მართლა არ გაწყენდათ გაძლიერება...

- ნამდვილად არ გვაწყენდა, მაგრამ არ გვინდა, ნაჩქარევი გადაწყვეტილება მივიღოთ, ამასთან ერთად ჩვენი გეზი რჩება უცვლელი - მაქსიმალურად ფართოდ გავუღოთ კარი ჩვენი კლუბის აკადემიის აღზრდილებს, რასაც ვაკეთებთ კიდეც. თუმცა, ამასთანავე "დინამომ" ყოველთვის აუცილებლად მაქსიმალური მიზნებისათვის უნდა იბრძოლოს.

- შეკრებაზე "დინამოს" შემადგენლობაში ორმა უკრაინელმა ლეგიონერმა - ივანისენიამ და პეტკომ ითამაშეს. რა აზრის ხართ ამ ფეხბურთელებზე?

- ორივე მათგანთან მიმდინარეობს მოლაპარაკება და როგორ დასრულდება ეს პროცესი, ამას ერთად ვნახავთ სულ რამდენიმე დღეში.

- მალე მეორე თურქული შეკრება დაიწყება...

- დიახ და ეს იქნება დასკვნითი შეკრება. თავადაც იცით, არაერთ ევროპულ ქვეყანაში სადაცაა განახლდება ჩემპიონატები და ამის გამო, რუსულ და პოლონურ კლუბებს ვეღარ შევხვდებით, მაგრამ მაინც გვექნება სასარგებლო მატჩები.

ჩემთვის ძალიან სასიხარულოა, რომ "დინამოსთან" თამაშის სურვილი კვლავ გამოთქვა ლუგანსკის "ზორიამ", იქნებიან კლუბები ყაზახეთიდან... მოკლედ, სასარგებლო შეკრება უნდა იყოს, ეს კი საშუალებას მოგვცემს, სრულ მზადყოფნაში შევხვდეთ ჩემპიონატის სტარტს.

ყოველდღიური სპორტული გაზეთი "ლელო"
8413
მკითხველის კომენტარები / 3 /
ილია
0
ეს ფიფია ვინ არი რა სულისაა? რამდენი ხანია დინამოს მფლობელია, რა პოლიტიკა აქვს, რას აკეთებს დინამოს მომავლისთვის?! არა მჯერა მაგ კაცის! რომ სდომნოდა ამდენი ხნის მანძილზე უკეთესი იქნებოდა დინამო და ევრო ტურნირებზე უკეთესად იასპარეზებდა. მაგრამ ჩვენ მაინც არაფერი არ გვეშველება! მოკლე სულის მმართველების ხელში და ესენი კიდევ დიდი ხანი იქნებიან სათავეებში.
gio
0
22 teberval kyazaxur shaxtiors etamashebian.
მსგავსი ამბები
რუბრიკის სხვა სიახლეები
;