[ექსკლუზივი მინსკიდან] გივი მაჭარაშვილი: ფინალში წონა დამაკლდა...

გივი მაჭარაშვილი ევროპული თამაშების ფინალში დამარცხდა. ბრძოლის შემდეგ მისი კომენტარი ასეთი იყო:

„უპირველესად, მადობა მინდა ვუთხრა მწვრთნელებს ამხელა ნდობის გამოცხადებისთვის. ვეცადე, მაქსიმუმი გამეკეთებინა მოსაგებად, მაგრამ არ გამომივიდა, თუმცა ვიმედოვნებ, რომ მომავალში გამოვასწორებ. ფინალში, ალბათ, უფრო იმან შემიშალა ხელი, რომ წონა არ მეყო. თანაც წინა დღეს დაძაბული შეხვედრები გავიარე და გამიჭირდა.

ნახევარფინალში აზერბაიჯანელ მაგომედოვთან დაპირისპირებაში ცოტა გამოვიფიტე კიდეც, ბევრი ენერგია დავხარჯე და ძალების აღდგენა გამიჭირდა. ფსიქოლოგიურადაც ვერ ვიყავი სათანადო განწყობაზე.

ეს მედალი ჩემთვის ბევრს ნიშნავს. ამ ჯილდოს, უპირველესად, საქართველოს ვუძღვნი, მერე კი ჩემს ოჯახს.“

1305
მკითხველის კომენტარები / 0 /
რუბრიკის სხვა სიახლეები
;