ექსკლუზივი მინსკიდან. ლერი ხაბელოვი: 30 მედალი - ეს ნიშნავს, რომ ყოველი მეორე ქართველი ავიდა კვარცხლბეკზე!

მინსკის ოლიმპიურ თამაშებზე ქართველი სპორტსმენების გამოსვლა შეაფასა ოლიმპიური კომიტეტის პრეზიდენტმა ლერი ხაბელოვმა:

"30 მედალი მოვიპოვეთ და მეშვიდე ადგილზე ვართ - ეს ნიშნავს, რომ ყოველმა მეორე სპორტსმენმა მოიპოვა მედალი. თუმცაღა ჭიდაობაში ერთ ოქროს მაინც ველოდებოდით. სამწუხაროდ, არ იყო, მაგრამ საბოლოო ჯამში, მთლიანად დელეგაციის გამოსვლა დიდი წარმატებაა. ვულოცავ ყველა გულშემატკივარს და ყველა სპორტსმენს ამ თამასებში წარმატებების მოპოვებას. ისინი მალე სალიცენზიო შეჯიბრებებშიც ჩაერთვებიან და დაიწყებენ დიდი ოლიმპიური თამაშებისთვის მზადებას. იქაც წარმატებებს ვუსურვებ, ჩვენი მთავარი მიზანია, რაც მეტი ოლიმპიური ლიცენზია მოვიპოვოთ, მერე კი თავად ტოკიოს თამაშებზეც წარმატებით გამოვიდეთ.

ჭიდაობაში წაგებულ ოთხ ფინალს თუ გავაანალიზებთ, ვლადიმერ ხინჩეგაშვილს შეეძლო გამარჯვება. თავისი გამოცდილებით, თავისი შედეგებით მისგან უფრო ველოდი ამას, როცა ფინალში გავიდა. მით უფრო, ალიევთან რამდენჯერმე აქვს მონაგები. თუმცა ეს სპორტია და ყოველ წუთს, იმ დროს, იმ წუთას უნდა იყო მზად, რომ აჩვენო შედეგი. გივი მაჭარაშვილმა თავდადებით იბრძოლა და რაც შეეძლო, ჩადო ყველაფერი."

1283
მკითხველის კომენტარები / 0 /
მსგავსი ამბები
რუბრიკის სხვა სიახლეები
;