[ექსკლუზივი] ნოდარ ახალკაცი: ჯანო ანანიძე ცხვირწინ ავაცალეთ რუსებს

გაზეთმა "ლელომ" ინტერვიუ ჩაწერა ფეხბურთის ფედერაციის ყოფილ პრეზიდენტ ნოდარ ახალკაცთან. გთავაზობთ ამონარიდს პუბლიკაციიდან.

- საქართველოს ნაკრები თითოეული ჩვენგანისთვის არის უმთავრესი რამ. პირადად მე, ძალიან მიხარია, რომ საქართველოს ნაკრებს დღეს აღარ აქვს მეკარის პრობლემა და ამაში ჩვენი წვლილიცაა. სწორედ ჩვენ დროს მიიღეს სანაკრებო შანსი გიორგი ლორიამ და გიორგი მაკარიძემ.

- გავიხსენებ ესპანეთთან თბილისურ შეხვედრას, რომელიც მინიმალური ანგარიშით, 0:1 წავაგეთ. იმ შეხვედრის განაცხადში მყოფი 18 ფეხბურთელიდან 15-ს ჩვენ დროს ჰქონდა გავლილი სხვადასხვა საკობრივი ნაკრების სკოლა.

- ბედნიერი ვარ იმით, რომ დღეს ჯანო ანანიძე იცავს ქვეყნის ეროვნული გუნდის ღირსებას. თავადაც კარგად გახსოვთ, როგორ იყო ყველაფერი. ჯანო, ამ სიტყვის სრული მნიშვნელობით, ცხვირწინ ავაცალეთ რუსებს. კარგად გახსოვთ ის პერიოდიც - მაშინ ზოგიერთი პოლიტიკური ძალა ამბობდა, ჯანოს რუსები წაგვართმევენ, ის დაკარგულია ჩვენთვის და ამის გამო პასუხისმგებლობა საქართველოს ფეხბურთის ფედერაციამ უნდა აიღოსო.

- ფეხბურთელის ნებასთან ერთად, ჩვენმა აქტიურობამაც დიდი როლი შეასრულა. მაშინ პირდაპირ ვუთხარი საქართველოს ნაკრების მთავარ მწვრთნელ ექტორ კუპერს - ჯანომ ერთი წუთი მაინც რომ ითამაშოს საქართველოს ნაკრების შემადგენლობაში, მერე რუსები მას ვერანაირად ვეღარ წაგვართმევენ, შეიძლება, ხვალ მე აღარ ვიყო საქართველოს ფეხბურთის ფედერაციის პრეზიდენტი ან თქვენ საქართველოს ნაკრების მწვრთნელი, მაგრამ ჯანო საქართველოს დარჩება-მეთქი...

ინტერვიუს სრულ ვერსიას გაზეთ "ლელოს" 19 იანვრის ნომერში იხილავთ

3394
მკითხველის კომენტარები / 1 /
иуту
0
ეს სად იყო
მსგავსი ამბები
რუბრიკის სხვა სიახლეები
;