[ექსკლუზივი პიონჩანიდან] გიხაროდენ, საქართველოს იცნობენ!

იყო დრო, ოლიმპიურ თამაშებზე აკრედიტებულს, როცა უცხოელები მეკითხებოდნენ საიდან ვარ და ვპასუხობდი, ზოგის საქართველო ამერიკის ჯორჯია წარმოეწდგინა, ზოგს რუსეთი, ზოგმაც, საერთოდ არ იცოდა ასეთი ქვეყანა. დამოუკიდებლობის მიპოვების შემდეგ, ცხადია, თანდათან შეიცვალა ვითარება, განსაკუთრებით რიოს ოლიმპიადის მერე განვლილ ამ ბოლო ორ წელიწადში ცნობადობის მხრივ ძალიან შორს წავსულვართ. ქურთუკზე თუ სააკრედიტაციო ბარათზე მითითებული ქვეყნის დასახელება, ახლა უკვე აღარ იწვევს ზედმეტ კითხვებს.

გაოცებული ვარ, კორეელები თუ ოლიმპიადის სტუმრები თითქმის ყოველ ნაბიჯზე მაჩერებენ, აღფრთოვანებით იხსენებენ საქართველოში სტუმრობას, იწყებენ ჩამოთვლას: თბილისი, ქუთაისი, სვანეთი, ყაზბეგი... ზოგი გვერდით ჩავლისას, მას შემდეგ, რაც ქურთუკზე "ჯორჯიას" თვალს შეავლებს სიამაყით ახსენებს მესხის, მეტრეველის, ყიფიანის, შენგელიას, სულქველიძის და სხვათა სახელებს.

როცა დარია, ოლიმიადაზეც ხალისია...

იცვლება ამინდი და იცვლება არამხოლოდ ოლიმპიური, არამედ კულტურული და სხვა ღონისძიებების პროგრამებიც. როგორც კი გამოიდარებს, შესაბამისად გამოიდარებს ხოლმე, ოლიმპიადაზე. ასე ვთქვათ, ცოცხლდება და ხალისდება გარემო, საზეიმო რიტმი და განწყობა ისევ ისადგურებს ყველგან, სადაც მეტწილად ხალხი ტრიალებს. გამუდმებით უკრავენ მუსიკოსები, არის ცეკვა-თამაში, სახლისო სანახაობები.

ერთ ადგილზე გადავაწყდი ოლიმპიადის მონაწილე ქვეყნების დროშების ამალას. ეტყობა, რაღაც ღონისძიება იგეგმებოდა ღია ცის ქვეშ. ვეღარ დაველოდე შეჯიბრებაზე მიმეჩქარებოდა მთაში. ეგ იყო სახელდახელოდ ჩვენი ეროვნული დროშა და მედროშე ავღბეჭდე ამალის ნაწილთან ერთად ფოტოზე, რომელსაც აქვე გთავაზობთ.

გადადებული სტარტები აკნინებს ოლიმპიადას, მაგრამ რას იზამ....

დიახ, რას იზამ, წლების წინათ, როცა პიონჩანს არგუნეს წლევანდელი ოლიმპიადის მასპინძლობა, ვერავინ გაითვლიდა კლიმატის ასეთ ცვალებადობას, თანააც ამ რეგიონისთვის უჩვეულო ყოფილა წლევანდელი ზამთარი. ცუდია, როცა ოლიმპიადაზე ამინდი ხდება მთავარი პრობლემა ორგანიზატორებისთვის და საერთოდ ოლიმპიადისთვის.

12 თებერვალს ჩვენი სამთო-მეთხილამურის ნინო წიკლაურის გასამხნევებლად მიაშურა საქართველოს დელეგაციამ გიგანტურ სლალომში ქალთა ასპარეზობას, მაგრამ სწორედ ამინდის გაურესებამ და ძლიერმა ქარმა, ამ დღის ოლიმპიურ პროგრამაშიც შეიტანა შესწორება

პატივი მიაგეს ნოდარ ქუმაქრიტაშვილის ხსოვნას
გუშინ, 12 თებერვალს, 8 წელიწადი გასრულდა ვანკუვერის 2010 წლის ზამთრის ოლიმპიური თამაშების გახსნამდე რამდენიმე საათით ადრე, უისტლერის საციგაო ტრასაზე, საცდელი დაშვებისას, ბაკურიანელი მოციგავის, ნოდარ ქუმარტაშვილის ტრაგიკულად დაღუპვიდან.

ჩვენმა დელეგაციამ, ქართველ ოლიმპიელებთან და სამხრეთ კორეაში საქართველოს საელჩოს ხელმძღვანელებთან ერთად, მოციგავეთა ფინალური ასპარეზობის წინ პატივი მიაგო დაღუპული სპორტსმენის ხსოვნას.

ეს ოლიმპიადა შეიძლება ნობელის სახელს დაუკავშირდეს
არავინ დავობს, რომ პიონჩანის ოლიმპიადამ ახალი ბიძგი მისცა კონფლიქტების დარეგულირებას, როცა საერთაშორისო ოლიმპიური კომიტეტი დათმობაზე წავიდა და ორად გახლეჩილი ქვეყნის - სამხრეთ და ჩრდილოეთ კორეის სპორტსმენებს სპორტული გაერთიანების გარკვეული შესაძლებლობა მისცა. ეს ნაბიჯი ნამდვილად ესადაგება ოლიმპიურ იდეალებს.

სოკის აღმასკომის წევრმა, ამ კომიტეტის სპორტსმენთა კომისიის ხელმძღვანელისმა, ამერიკელმა ანჯელა რუჯიერომ განაცხადა, რომ, მისი აზრით, კორეის გაერთიანებული გუნდი მშვიდობის დარგში ნობელის პრემიას იმსახურებს.

"ვისურვებდი, რომ ამ გუნდმა მშვიდობის დარგში ნობელის პრემია მიიღოს. მოვუწოდებ ყველას, რომ გაერთიანებული გუნდი შესაბამის პრემიაზე წარადგინონ. უშუალოდ გუნდი და არა ოლიმპიური კომიტეტი ან ფედერაცია," -- თქვა რუჯიერომ, რომელიც. ყოფილ ჰოკეისტი, ოლიმპიური ოქროს, ორი ვერცხლისა და ერთი ბრინჯაოს მედლის მფლობელია

მინისტრი კმაყოფილია...

როგორც ცნობილია, საქართველოს კულტურისა და სპორტის მინისტრი მიხეილ გიორგაძე პიონჩანში იმყოფება. სეოკის პრეზიდენტთან ლერი ხაბელოვთან და ამ ქვეყანაში ჩვენ ელჩთან ოთარ ბერძენიშვილთან ერთად მინისტრი დელეგაციის ყოველრიური ცხოვრებით ცხოვრობს, ამასთან მუშაობენ უცხოელ კოლეგებთან კონტაქტების გაღრმავების შესაძლებლობებზე.

მინისტრმა მიხეილ გიორგაძემ კმაყოფილებით აღნიშნა, რომ ჩვენი დელეგაციის თითოეული წევრი პროფესიონალურად და მაღალი პასუხისმგებლობით უდგება საქმეს. "აქ, შორეულ კორეაში თქვენ წარმოადგენთ არა მხოლოდ საკუთარ თავს, არამედ მთელ ჩვენს ქვეყანას. ჩათვალეთ, რომ თითოეული თქვენგანი საქართველოს ელჩია ოლიმპიადაზე. მისასალმებელია, რომ ჩვენ ასეთი მეგობრული და შეკრული გუნდი გვყავს პიონჩანში," - განაცხადა მან.

თენგიზ გაჩეჩილაძე პიონჩანიდან

ყოველდღიური სპორტული გაზეთი "ლელო"
3967
მკითხველის კომენტარები / 2 /
მოქალაქე
2
აწი ავშენდით და ეგ არი:საქართველოში ცხოვრება საამური გახდება: პენსიები მოიმატებს, ჩინოვნიკის ხელფასი მოიკლებს, სოფლიდან მიგრაცია შეწყდება, ხალხი უცხოეთში აღარ გაიქცევა,ქვეყანა აღარ დაიქცევა, ტრაგიკული შემთხვევები იკლებს, მუშები მშენებლობიდან აღარ გადმოგვიცვივა, და რამდენი სასიხარულო დავწერო???????გიხაროდეს საქართველო.......ვაი ჩვენ პატრონს..არ დამიბლოკოთ.....
მანანა
0
ოთხ სპორტსმენს (არაფრისმთქმელი გვარებით) რომ, 50 კაცი წაყვათ არ რცხვენიათ? თან ერთი თვეა რაც, სპორტის დეპარტამენტი შეიერთეს.
მსგავსი ამბები
რუბრიკის სხვა სიახლეები
;