[ექსკლუზივი] რომან ფიფია: მინდა ვთქვა ის, რაც აქამდე არ მითქვამს!.. ახლა დინამოსთვის უმთავრესია ცენტრფორვარდისა და 2-3 საკვანძო ფეხბურთელის დამატება

თბილისის "დინამო" სულ მალე ევროპალიგის გათამაშებაში ჩაერთვება. ორი აზრი არ არის, ჩვენი საკლუბო ფეხბურთის ფლაგმანმა აუცილებლად უნდა გადალახოს პირველი ეტაპი, რომელი გუნდიც არ უნდა იყოს მისი მეტოქე - სან მარინოს "ლა ფიორიტა" თუ ანდორის "ენგორდანი".

გულშემატკივარი ელის იმასაც, რომ "დინამო" ევროთასებამდე გაძლიერდება. იქამდე კი, თბილისური გრანდი საქართველოს თასის მერვედფინალში ეროვნული ლიგა 2-ის ლიდერ "მერანთან" დამარცხდა და ტურნირს მიღმა აღმოჩნდა.

მოკლედ, კლუბის პრეზიდენტთან სალაპარაკო დაგროვდა. რომან ფიფიამ აქტუალურ თემებზე "ლელოს" ექსკლუზიურად უთხრა:

"სამწუხაროდ, ნაადრევად გამოვეთიშეთ საქართველოს თასისთვის ბრძოლას, მაგრამ უცვლელია ჩვენი მიზანი - ჩემპიონობა. სათასო შეხვედრაზე კი ვიტყვი, რომ აუცილებელია, მერვედფინალურ ეტაპზე გუნდები ბუნებრივ და ხარისხიან საფარზე თამაშობდნენ.

ყველამ ვიცით, რომ ფეხბურთელები ასეთ მდგომარეობაში ვერც თავს ავლენენ მაქსიმალურად და ტრავმის მიღების ალბათობაც ერთიორად იზრდება. ამით, თავს არ ვიმართლებთ, თუმცა ეს ფაქტია და გადასაჭრელი პრობლემაა...

...ევროპალიგის გათამაშებაში მაქსიმალურად შორს ვგეგმავთასვლას. ამ მომენტისთვის უმთავრესია ცენტრფორვარდისა და 2-3 საკვანძო ფეხბურთელის დამატება, რაზეც მუშაობა მიმდინარეობს.

სამწუხაროა, რომ ზამთარში მოყვანილი ლეგიონერების ნაწილმა ვერ გაამართლა, თუმცა ახლა ამაზე არ ვილაპარაკებ. ასევე, ხაზს გავუსვამ, რომ გუნდში არიან გამორჩეული ფეხბურთელებიც...

ჩვენ გვაქვს დასახული მიზანი და მას მივყვებით. ხდება, რომ რაღაც არ გამოგვდის, მაგრამსაქმესაც ვაკეთებთ და ვისაც დანახვა უნდა, დაინახავს, რომ საქმეს ქართული ფეხბურთისთვისაც ვაკეთებთ...

მესმის გულშემატკივრის წუხილიც ახალგაზრდა ფეხბურთელთა გადინებასთან დაკავშირებით, მაგრამ ეს პროცესი დღეს, ფაქტობრივად, შეუქცევადია. სამაგიეროდ, როცა გავა 4-5 წელი და ნაკრები თავისი თამაშით ქომაგს გაახარებს, იქ ბევრს ვიხილავთ "დინამოში" აღზრდილს...

ასეთი ფეხბურთელები უკვე დღესვე არიან ეროვნული და ასაკობრივი ნაკრებების განკარგულებაში - იგივე ჩაკვეტაძე, კიტეიშვილი, ხარაბაძე, ლობჟანიძე, კვარაცხელია... ჩვენ ყოველთვის ვათამაშებთ ნიჭიერ ახალგაზრდებს პირველ გუნდში, თუმცა მათი წასვლის შემდეგ იწყება კრიზისი და ჩნდება შემცვლელის მოყვანის აუცილებლობა, ეს შემცვლელი კი ყოველთვის ვერ ამართლებს. ჩვენ მაინც მაქსიმალურად გუნდის ინტერესებიდან გამოვდივართ და მჯერა, ჩვენი ინტერესები ასევე ეროვნულსაც ემთხვევა...

მინდა ვთქვა ის, რაც აქამდე არ მითქვამს. წლებია, საქართველოში შემოსავალი არ მაქვს. მესამე წელიწადია სასამართლო პროცესში ვარ ჩართული და ველი, რომ მალე სამართალი იზეიმებს, ეს კი, რა თქმა უნდა, პირველ რიგში "დინამოს" წინსვლაზე აისახება", - გვითხრა ფიფიამ.

ყოველდღიური სპორტული გაზეთი "ლელო"
8489
მკითხველის კომენტარები / 3 /
კახა ქ.
0
ბ-ნო რომან ,მერამდენეჯერ არ ამართლებს თქვენი ლეგიონერები?და საერთოდ ჩისკოს გარდა ,რომელმა ლეგიონერმა გაამართლა ერთი ხომ ვერ მეტყვით.ასე რომ დასკვნები თქვენც და გულშემატკივარმა გააკეთოს.
ნიკა
1
ვაჭარია ჩვეულებრივი
მსგავსი ამბები
რუბრიკის სხვა სიახლეები
;