[ექსკლუზივი] ტადეუს მაკფადენი: ვიცი საქართველოში შრომისმოყვარე ხალხი ცხოვრობს, მეც ასეთი ვარ!

საქართველოს ნაკრებში მაიკლ დიქსონი მისმა თანამემამულე ტადეუს მაკფადენმა შეცვალა. მას სასტუმროში მივაკითხეთ და ინტერვიუ ჩავწერეთ. საინტერესო მოსაუბრე გამოდგა...

ტადეუს მაკფადენი      
დაიბადა: 29.05.1987
სიმაღლე: 188 სმ.
წონა: 82 კგ.
პოზიცია: უკანახაზელი

კარიერა
2005-2007 სენტ კლერი (NჩAA)
2007-2009 ფეირმონტი (NჩAA)
2009-2012 უსტი ნად ლაბემი (ჩეხეთი)
2012-2013 ბრაუნშვაიგი (გერმანია)
2013 უსტი ნად ლაბემი (ჩეხეთი)
2013-2014 აპოელ (კვიპროსი)
2014-2016 ლარნაკა (კვიპროსი)
2016 ნანსი (საფრანგეთი)
2016-2017 პაოკ (საბერძნეთი)
2017 კარპოსი (საბერძნეთი)
2017-2018 კიმისი (საბერძნეთი)

მიღწევები
საბერძნეთის "ოლ სტარი" (2018)
სამგზის კვიპროსის ჩემპიონი (2014-2016)
კვიპროსის ლიგის მეორეადგილოსანი (2015)
კვიპროსის ლიგის საუკეთესო ჩამჭრელი (2014)
ფეირმონტის დიდების დარბაზის წევრი (2016)

- აგენტი დამიკავშირდა და მითხრა - საქართველოს ნაკრებში თამაშზე რა აზრის ხარო. პასუხი დაუფიქრებლად არ მიმიცია, კარგად გამოვიკვლიე სად მომიწევდა თამაში, რა დონის გუნდია საქართველოს ნაკრები, ვინ თამაშობენ და... აგენტს დავურეკე - ჰეი, ეს მშვენიერი შანსია, კარგი გუნდია, ძლიერი კალათბურთელები, ევროპაში კარგად ცნობილი მწვრთნელით - ილიას ზუროსით.

- მწვრთნელთან პირველ საუბარს როგორ გაიხსენებ?

- მითხრა, რომ კარგად იცის ჩემი სათამაშო სტილი, რა დონის კალათბურთელი ვარ და რომ სჯერა - საქართველოს ნაკრების დახმარება შემიძლია. ასეთი საუბრის შემდეგ კალათბურთელსაც ემატება თვითრწმენა. ბოლოს მითხრა - იყავი ის, ვინც ხარო.

- საქართველოზე აქ ჩამოსვლამდე რა იცოდი?

- მიჩიგანის შტატის ქალაქ ფლინტიდან ვარ. ჩემი მეგობრებისგან მქონდა მოსმენილი საქართველოს შესახებ. ორი ამ სეზონში სწორედ საქართველოს ჩემპიონატში ასპარეზობდა, ერთი წინა სეზონში და ჩემპიონიც გახდა - დეონტა ვონი. 2017-18 წლებში კი საქართველოში დეანდრე პარკსი და ჯონათან ლი გამოდიოდნენ. ისინი ჩემი ახლო მეგობრები არიან, დეონტა ვონთან ერთად პატარაობაში ვთამაშობდი.

- რა გითხრეს საქართველოზე?

- ეროვნულ ნაკრებზე ბევრი არ მილაპარაკია, ვესაუბრე ქართველებზე, ქვეყანაზე, როგორია აქ ცხოვრება. მითხრეს - მშვენიერი ქვეყანაა და არანაირი პრობლემა არ გექნებაო.

- ქართველების გვერდით ან მათ წინააღმდეგ თუ გითამაშია?

- არა, არ მახსენდება. თუმცა მათზე სრულყოფილი წარმოდგენა მაქვს, ვიცი ვინ არიან ლიდერები, სად თამაშობენ, როგორ თამაშობენ. ძალიან კარგი გუნდი გვყავს.

- ამ გუნდში ტადეუს მაკფადენისგან რას უნდა ველოდოთ?

- ენერგიული მოთამაშე ვარ, მსროლელი... გუნდის წარმატებისთვის არაფერზე ვიხევ უკან, მოედანზე სადაც საჭიროა, ყველგან ვარ. მოხსნაც შემიძლია, პასიც, ჩაგდებაც... მწვრთნელი რასაც დამავალებს, მზად ვარ ბოლომდე გულით შევასრულო. ვიცი, რომ ამ ქვეყანაში ძალიან მშრომელი ხალხი ცხოვრობს და მეც სწორედ ასეთი ვარ.

- 28 ივნისსა და 2 ივლისს სერბეთთან და ავსტრიასთან ვითამაშებთ. მეტოქეებიც ხომ არ გყავს გამოკვლეული?

- არა. სერბეთისა და ავსტრიის ნაკრებების შესახებ ინტერნეტში ბევრი არ მიძებნია. იმიტომ, რომ ევროპაში უკვე მერვე წელია, ვთამაშობ და ვიცი მეტოქე გუნდის კალათბურთელები, მათი სათამაშო სტილი... მათ წინააღმდეგაც მითამაშია. ჩემთვის სერბეთისა და ავსტრიის ნაკრებები უცხო ნამდვილად არ არის. ვიცი რას უნდა ველოდე მათგან და მზად ვარ საქართველოს ნაკრებს გამარჯვებაში დავეხმარო.

- მაიკლ დიქსონი ყოველთვის აღტაცებით საუბრობდა ქართველ გულშემატკივრებზე.

- მეგობრებმა მითხრეს, ნაკრების მატჩებისას დარბაზი ბოლომდე ივსებაო. ეს დიდი უპირატესობაა მეტოქეებთან შედარებით. უნდა გამოვიყენოთ. სავსე დარბაზში თამაშს მიჩვეული ვარ, გასულ სეზონში პაოკ-ის ღირსებას ვიცავდი. ამ გუნდს განსაკუთრებული ქომაგი ჰყავს. მითამაშია სერბეთში "პარტიზანის" წინააღმდეგ, როცა ტრიბუნებზე ხალხის ტევა არ არის...

- საკუთარ კარიერაზეც გვითხარი, სად და როდის დაიწყე კალათბურთი.

- გაინტერესებთ, რატომ დავიწყე კალათბურთის თამაში? მთელი ჩემი ოჯახი ამერიკული ფეხბურთის მოტრფიალეა, გარდა დედაჩემისა. მამაჩემი, ბიძაჩემი და ბიძაშვილი NFL-ში (ფეხბურთის ნაციონალური ლიგა) თამაშობდნენ. მაღალი დონის ფეხბურთელები იყვნენ. მინდოდა განსხვავებული ვყოფილიყავი და დედის რჩევით კალათბურთისკენ გადავუხვიე. კალათბურთს 5 წლიდან ვთამაშობ, ჩემი ცხოვრების დიდი ნაწილია. სხვათა შორის, დედაჩემიც კალათბურთელი იყო.

- ამერიკაში უნივერსიტეტის დასრულების შემდეგ კარიერის ევროპაში გაგრძელება გადაწყვიტე...

- როგორც ვთქვი, კალათბურთი ძალიან მიყვარს და არ მინდოდა მიმეტოვებინა. რადგან NBA-ს გუნდებმა დრაფტზე არ ამიყვანეს, გადავწყვიტე ძალები ევროპაში მომესინჯა. რამდენიმე წელია საბერძნეთში ვთამაშობ, სადაც კონკურენტუნარიანი ლიგაა. ბოლომდე თუ არ დაიხარჯე, შედეგს ვერ მიაღწევ. საბერძნეთი ძალიან მომწონს. ლამაზი ქვეყანაა. არ ვარ "ღამის კაცი", მიყარს უცხო ქვეყანაში სიარული და ღირსშესანიშნაობების დათვალიერება.

- ამ მხრივ არც ჩვენთან მოიწყენ.

- საქართველოში რომ ჩამოვედი, გავიხედე და ვთქვი: Mან, თჰის ის ა ბეაუტიფულ ცოუნტრყ! ლამაზი ქვეყანაა, აუცილებლად გავალ თბილისის დასათვალიერებლად. ჩემს მეგობარ გოგონასაც უყვარს მოგზაურობა და რომ ჩამოვა, თავისუფალ დროს ქვეყნის გაცნობისთვის გამოვიყენებ.

2769
მკითხველის კომენტარები / 1 /
სოსო
0
აბანოში გამოჩნდება, ))))წარმატებები და ღმერთმა ხელი მოგიმართოს საქართველოსვის და ოჯახისთვის თადეოზ....აბა შენ იცი!
მსგავსი ამბები
რუბრიკის სხვა სიახლეები
;