ექსკლუზიური რეპორტაჟი ბელგრადიდან: რუსები 'ჟალგირისს' ქომაგობდნენ, რა იცოდნენ, რომ...

ევროლიგის ფინალური ოთხეულის მატჩები წლეულს სერბეთის დედაქალაქ ბელგრადში იმართება, სადაც ლიტველები, რუსები, თურქები და ესპანელები დიდი იმედებით ჩავიდნენ.

"ჟალგირისის", "ფენერბაჰჩეს", "რეალისა" და ცსკა-ს გულშემატკივრები მატჩებამდე ზედმეტად თავდაჯერებულები იყვნენ. ყველა საკუთარი გუნდის გამარჯვებაში იყო დარწმუნებული.

მეც მათსავით მჯეროდა ორი რამის - ლამაზ სანახაობას ვიხილავდი და "რეალი" გაიმარჯვებდა. პირველ რიგში, ვისგანაც მიხვდები, რომ ბელგრადში ევროლიგის ფინალური მატჩებია, ტაქსის მძღოლები არიან. ტარიფებს მაქსიმუმამდე აუწიეს და 10 წუთის სავალზე 13 ევრო მოითხოვეს.

ასეთ ღონისძიებებზე ყოველთვის საინტერესოა გულშემატკივრებისთვის თვალის დევნება. დარბაზს გარეთ ყველა მღეროდა, არენაზე კი განსაკუთრებით ლიტველები წამით არ შეჩერებულან. ძალიან ბევრნი არიან თურქები, ბელგრადი "ფენერის" გულშემატკივრებით გადაყვითლებულია. თუმცა ნახევარფინალში გულშემატკივრობით "ჟალგირისი" "ფენერბაჰჩესთან" სულაც არ დაჩაგრულა: საქმე ის არის, რომ რუსული ცსკა-ს ფანებიც "ჟალგირისს" ქომაგობდნენ, რადგან ფინალში "ფენერს" ლიტველები ერჩივნათ.

...ფინალში "ჟალგირისი" და ცსკა მართლა შეხვდებიან, ოღონდ მცირე ფინალში, რადგან ნახევარფინალები ორივემ წააგო და მესამე ადგილისთვის იბრძოლებენ. ჩემპიონი კი "რეალისა" და "ფენერბაჰჩეს" ბრძოლაში გაირკვევა.

გიორგი ჭინჭარაული სპეციალურად "ლელოსთვის" ბელგრადიდან

3035
მკითხველის კომენტარები / 0 /
მსგავსი ამბები
რუბრიკის სხვა სიახლეები