ექს-საბურთალოელის ინტერვიუ DAILY MAIL-ში: ბელარუსში კორონას არად აგდებენ, ისევ თამაშობენ... ასეთ დროს შიში არ ნიშნავს, რომ მშიშარა ხარ

ოგნიენ როლოვიჩი „საბურთალოს" მესამე ფეხბურთელია, რიმელმაც ბოლო პერიოდში ბელარუსში თამაში გადაწყვიტა. საქართველოს სუპერთასის მფლობელი გუნდის თავდამსხმელი „მინსკის“ მოთამაშე გახდა და მოულოდნელად, ცნობილი ბრიტანული გამოცემის წერილის გმირად იქცა - კოროვირუსული პანდემიის ფონზე ბელორუსის ჩემპიონატის გაგრძელებას 26 წლის ჩერნოგორიელმა თავდამსხმელმა უგუნურება უწოდა.
”სიგიჟე, რომ ჩვენ ერთადერთი ევროპული ლიგა ვართ, სადაც ჯერ კიდევ ვთამაშობთ” - ბელორუსის უმაღლესი დონის ფეხბურთელი შეშფოთებულია, რომ კოროვირუსული პანდემიის მიუხედავად, ლიგის შეჩერებაზე უარი თქვეს და ადანაშაულებს მათ ”სწორად მოქცევის ეშინიათ”, იმის მიუხედავად, რომ ვირუსმა უკვე 60,000-ზე მეტი ადამიანის სიცოცხლე შეიწირა.

„უკვე დიდი ხანია, ფეხბურთი მთელს მსოფლიოში კორონავირუსის საფრთხის გამო შეაჩერეს, მაგრამ გარდაცვლილთა რაოდენობის ზრდის მიუხედავად, არის ლიგა, სადაც თამაშს ჯიუტად აგრძელებენ - ბელორუსის პრემიერლიგაში, რომელიც ერთადერთი ლიგაა ევროპაში და მსოფლიოში მეოთხე ნიკარაგუასთან, ბურუნდისა და ტაჯიკეთთან ერთად, სადაც პანდემიის მიუხედავად, თამაშები მაინც ტარდება. მოთამაშეთა მსოფლიო კავშირმა, FIFPro-მა ლიგის ხელმძღვანელთა უარი შეჯიბრების შეჩერებაზე დაგმო. ამ დროს, ბელორუსში მოთამაშე სპორტსმენები ამის გამო შეშფოთებულები არიან“ - წერს „დეილი მეილი“.

\'საბურთალოს\' ახალწვეული ოგნიენ როლოვიჩი: ჩემი ოჯახის წევრები აქაც მამხნევებენ, საქართველოში ყველა ფეხბურთის თამაშს ცდილობს

”გულწრფელად რომ ვთქვათ, ეს გადაწყვეტილება გაუგებარია” - ამბობს ფეხბურთელთა მსოფლიო კავშირის (FIFPro) მდივანი იონას ბაერ-ჰოფმანი.
გასაკვირია, როდესაც ქვეყნის პრეზიდენტმა, ალექსანდრე ლუკაშენკომ, კოროვირუსზე იცინა, როგორც „სიგიჟესა და ფსიქოზზე" და საუნა და 100 გრამი არაყი დაასახელა იმ დაავადების წამლად, რომელსაც უკვე 60 000-ზე მეტი ადამიანის სიცოცხლე ემსხვერპლა. რამდენ ხანს შეიძლება ეს გაგრძელდეს? ამ კვირაში ბელორუსში კოროვირუსით პირველი ადამიანი უკვე გარდაცვალა - 75 წლის მსახიობი ვიქტორ დაშკევიჩი.

„სიგიჟეა, რომ ჩვენ ერთად-ერთი ლიგა ვართ, სადაც თამაშობენ” - უკვირს „მინსკის“ თავდამსხმელი ოგნიენ როლოვიჩი „დეილი მეილისთან“ საუბარში.

„აქ ისე იქცევიან, თითქოს არაფერი მნიშვნელოვანი არ ხდება და რომ არ უნდა შეგვეშინდეს. უცნაური მენტალიტეტია - თუ ვითარების გეშინია, მაშინ კაცი არ ხარ“ - ამბობს ოგნიენ როლოვიჩი.

ჩერნოგორიელი როლოვიჩი ლიგაში ერთ-ერთი იშვიათი მოთამაშეა, რომელიც ინგლისურად ლაპარაკობს. თავის სამშობლოში, სადაც მას ჰყავს მეუღლე და 11 თვის ქალიშვილი, საღამოს 7 საათის შემდეგ ან შაბათ-კვირას გარეთ არავის უშვებენ. ბელორუსში კი სოციალური შეზღუდვები არაა. უბრალოდ, ხალხს ურჩევენ, რომ ხელები დაიბანონ და კონტაქტი თავიდან აიცილოთ - როგორც ჩანს, ეს რეკომენდაცია ვრცელდება ყველაფერზე, საფეხბურთო მოედნის გარდა.

„ასეთ ვითარებაში ფეხბურთზე კონცენტრირება ძნელია. არადა, არ იცი, სად იყვნენ სხვა მოთამაშეები, ვისთანაც ურთიერთობა გაქვს და რა საფრთხის მატარებლები არიან. თქვენ გაქვთ ხელშეკრულება და ვერ იტყვით, რომ ვერ ითამაშებ და ივარჯიშობ. თქვენი ოჯახის წევრები კი გთხოვენ, რომ საკუთარ თავსა და ჯანმრთელობაზე იზრუნო. მოკლედ, ორ ცეცხლს შორის ხვდები. მოთამაშეებს რომ შეეძლოთ ხმის მიცემა, ვფიქრობ, 90 პროცენტი იტყოდა, რომ ვარჯიშები და ჩემპიონატი უნდა შეჩერდეს“ - ამბობს როლოვიჩი.

ეს მხოლოდ როლოვიჩის მოთხოვნა არაა. ბრაზილიელმა მცველმა ჟოაო უილიამმა, რომელიც ბრესტის „რუხში“ თამაშობს, ბელორუსულ გამოცენა „ტრიბუნასთან“ ინტერვიუში აღიარა, რომ იმედოვნებს, რომ ლიგა შეჩერდება და არ დამალა - „ცოტა შეშინებული ვარ”.

ბელორუსის ფეხბურთის ფედერაციაში კი ამტკიცებენ, რომ მათ არც ერთი კლუბი არ ამბობს, რომ თამაში არ სურთ. ეს „დეილი მეილისთან“ ინტერვიუში ფედერაციის სპიკერმა ალექსანდრე ალეინიკმა განაცხადა: „მედიას ბევრი მოთამაშე ეკონტაქტება, მაგრამ ყველას საკუთარი მოსაზრება გააჩნია. ზოგი უფრო მეტად წუხს, ზოგი - ნაკლებად, მაგრამ პირველ ორ ტურში ჩვენ არ გვქონია შემთხვევა, როდესაც მოთამაშეს მოედანზე გასვლაზე უარი რომ ეთქვა ან კლუბი დაეტოვებინა”.

აქ ისე იქცევიან, თითქოს არაფერი მნიშვნელოვანი არ ხდება და რომ არ უნდა შეგვეშინდეს. უცნაური მენტალიტეტია - თუ ვითარების გეშინია, მაშინ კაცი არ ხარ

მას შემდეგ, ბელარუსის ფედერაციამ 5 თამაშზე ევროპაში 10 სამაუწყებლო გარიგება განახორციელა. ამის მიუხედავად, საკუთარ ვებ-გვერდზე, გროდნოს „ნემანმა“ საკუთარ ვებ-გვერდზე გამოაქვეყნა სანკტ-პეტერბურგელი მცველის, ანდრეი ვასილიევის ინტერვიუ სათაურით - ”აქ არის ფეხბურთელები, რომლებიც ჩემპიონატის გაგრძელებას კატეგორიულად ეწინააღმდეგებიან”.

„ეს ძალიან საშიშია, რადგან ხალხი კვდება. პირადად ჩემი აზრი ასეთია. თუ მთელ მსოფლიოში ყველა სპორტული ტურნირი უკვე შეჩერებულია, სამჯერ უნდა დავფიქრდეთ, გვიღირს თუ არა თამაშის გაგრძელება” - ამბობს ვასილიევი.

ფედერაციის მმარტელებს, როგორც ჩანს, აქვთ სურვილი, რომ პოზიცია შეარბილონ, ვითარება თუ გამწვავდება. ორი კვირის წინ, ბელარუსის ფეხბურთის ფედერაციის პრეზიდენტმმა ბაზანოვმა თქვა, რომ ”კრიტიკული სიტუაცია არ არის”. ბოლო ტურში, სტადიონის გარშემო ხელების სადეზინფექციო ხსნარები მიიტანეს, ტრიბუნებზე შესვლამდე კი ყველა გულშემატკივარმა თერმოშემოწმება გაიარა.

[VIDEO] ეროვნული ლიგა. როლოვიჩია თუ გოლოვიჩი? საბურთალომ რუსთავს ჩერნოგორიელის დუბლით მოუგო

„გულშემატკივრები ერთმანეთისგან გარკვეულ მანძილზე უნდა დამჯდარიყვნენ. ჭადრაკის დაფის მსგავსი განლაგებით. შეიძლება ეს რთული იყოს, მაგრამ ესაა ის, რასაც ვცდილობთ. ჯანმრთელობის დაცვისა და სპორტის სამინისტროებიდან მიღებული ინფორმაციის საფუძველზე, ვითარება ყოველდღიურად ვაკვირდებით. თუ მდგომარეობა გაუარესდება, შესაბამის ზომებს მივიღებთ” - განმარტავს ალეინიკი.

ზოგიერთ კლუბში დაფიქრდნენ. გროდნოს „ნემანის“ „ულტრასებმა” სხვა კლუბების გულშემატკივრებს მოუწოდეს, არ დაესწრონ მატჩებს და განაცხადეს, რომ „მათ ვიღაც ატყებს”.

ვითარების გაკონტროლება კლუბებმა სცადეს და გულშემატკივრებს ურჩიეს, რომ თამაშებზე მისვლისგან თავი შეიკავონ. მაგალითად, სოლიგორსკის „შახტარმა” (სადაც გეგა დიასამიძე და ლაშა შინდაგორიძე თამაშობენ) გროდნოს „ნემანთან“ მატჩამდე მოუწოდა ბავშვებს, ასაკოვან და ავადმყოფ გულშემატკივრებს, რომ სტადიონზე არ მისულიყვნენ.

ბრესტის „რუხის“ ფეხბურთელებმა ბორისოვოს ბატეს-სთან მატჩამდე გადაიცვეს მაისურები წარწერით - „ჩვენ მშვიდობისთვის ვთამაშობთ”.
მიუხედავად იმისა, რომ ჩემპიონატის გაგრძელების შესახებ ბელორუსების გადაწყვეტილებამ მთელი დიდი შეშფოთება გამოიწვია, ახლა გლობალური ინტერესი მიიქცია ლიგამ, რომელიც ასეთი ყურადღებით არასოდეს სარგებლობდა - ლიგის ხელმძღვანელობამ მატჩების რეპორტაჟების გაყიდვაზე კონტრაქტი ევროპის 10 ქვეყნის მაუწყებელთან გააფორმა.

საფეხბურთო კლუბმა „სლუცკიმ“ (რომელმაც უამრავი ახალი გულშემატკივარი იმის წყალობით შეიძინა, რომ მისი სახელი ინგლისურად პროვოკაციულად ითარგმნება) შექმნა ახალი გვერდი და შემოწირულობები ოთხ ვალუტაში მიიღო, მათ შორის დოლარსა და ევროში და ასე საჭირო სასპონსორო დახმარება მიიღო.

”მე მინდა ვითამაშო, რადგან ახლა ჩვენ ვართ იმ იშვიათ ჩემპიონატში გამოვდივართ, რომლის ყურებაც ამ რთულ ვითარებაში ადამიანებს შეუძლიათ. ჩვენმა კლუბმა ყველა უსაფრთხოების ზომის დაიცვა ფს მე თავს დაცულად ვგრძნობ. გვაქვს ანტისეპტიკები და ნიღბები, ვცდილობთ მთელი დღე სახლში ვიყოთ, როდესაც ვარჯიშები და მატჩები არ ტარდება. ვფიქრობ, ჩვენი უსაფრთხოება ჩვენს ხელშია“ - თქვა „სლუცკის“ ფორვარდმა არტიომ სერდიუკმა.

როლოვიჩმა კი დასძინა: ”ზოგჯერ მე ვგრძნობ, რომ შეიძლება ცოტა გაგვიმართლა, რადგან ახლა ყველა ჩვენ გვიყურებს და საკუთარი თავის წარმოჩენა შეგვიძლია. მაგრამ იმაზეც ვფიქრობ, რომ იესო ქრისტე, ვირუსი ხომ ყველგან ვრცელდება, ჩვენ კი ისევ ვთამაშობთ და შესაძლოა, დაინფეცირების საფრთხის წინაშე ვართ. ასეთ დროს შიში გიპყრობს“.

2491
მკითხველის კომენტარები / 1 /
ვახო
2
მაგ ბელარუსში 40 000 ტესტია უკვე გაკეთებული, მაშინ როცა ჩვენთან მხოლოდ 4000
მსგავსი ამბები
რუბრიკის სხვა სიახლეები
;