ვაკო გვილია ისევ სიმბოლურში

შვეიცარიულმა გამოცემა “ბლიკ სპორტმა” ვაკო გვილია შვეიცარიის სუპერლიგის სიმბოლურ ნაკრებში დაასახელა. შეგახსენებთ, რომ 24-ე ტურში "სიონი" ვაკო გვილიას "ლუცერნთან" ქულას დასჯერდა 1:1.

საქართველოს ნაკრების ნახევარმცველი “ლუცერნის” ძირითად შემადგენლობაში იყო, შეუცვლელად ითამაშა და სტუმრებმა 45-ე წუთზე ანგარიში მისი საგოლე გადაცემით გაათანაბრეს.

აღსანიშნავია, რომ ქართველ ნახეხარმცველს “ლუცერნში” საყრდენ ნახევარმცველად არ ათამაშებენ – გვილია გუნდში პლეიმეიქერის ფუნქციას ასრულებს.

ვაკომ შვეიცარის სუპერლიგაში სულ 4 მატჩი ჩაატარა, გამოცემა “ბლიკ სპორტმა” (blick sport) კი ტურის სიმბოლურ ნაკრებში მეორედ დაასახელა. პირველად ეს წინა ტურში “თუნთან” მატჩის შემდეგ მოხდა.

599
მკითხველის კომენტარები / 0 /
მსგავსი ამბები
რუბრიკის სხვა სიახლეები