ვაკო ყაზაიშვილის "სან ხოსე" MLS-ის პლეი-ოფს გამოეთიშა

თბილისის დროით 26 ოქტომბერს, ამერიკაში MLS-ის პლეი-ოფები დაიწყო. ტურნირის ფინალურ ნაწილს ვაკო ყაზაიშვილის "სან ხოსე" პირველივე ეტაპზე გამოეთიშა.

ქართველი ლეგიონერის გუნდი კანადაში "ვანკუვერს" ესტუმრა და 5:0 დამარცხდა. მთელი შეხვედრის განმავლობაში ბურთს "სან ხოსე" ფლობდა, მაგრამ ამ უპირატესობის გამოყენებას ვერ ახერხებდა. მატჩის 33-ე წუთზე კი პირველი გოლი კანადელთა ფორვარდმა ფრედი მონტერომ გაიტანა.

მეორე ტაიმის 57-ე წუთამდე იბრძოდნენ კალიფორნიელები ანგარიშის გასათანაბრებლად, მაგრამ მეორე გოლმა "სან ხოსე" სულ მოშალა და მალე სამი ბურთი მიიღეს კიდევ კარში. ვაკო ყაზაიშვილმა 86 წუთი ითამაშა, ორჯერ დაარტყა კარის მიმართულებით და ერთხელ დაჯარიმდა.

ამგვარად, "სან ხოსე" პლეი-ოფს გამოეთიშა და დაელოდება შემდეგი სეზონის დაწყებას.

ვაკო ყაზაიშვილი ამერიკულ კლუბში ზაფხულში გადავიდა და მისი სტატისტიკა 13 მატჩში ასეთია: 8 შეხვედრაში იყო ძირითად შემადგენლობაში, 5 გოლი გაიტანა, 784 წუთი ითამაშა, 2 საგოლე გადაცემა გააკეთა და 38-ჯერ დაარტყა კარის მიმართულებით - 14-ჯერ ზუსტად.

Sportall.ge

369
მკითხველის კომენტარები / 0 /
მსგავსი ამბები
რუბრიკის სხვა სიახლეები