ვალერი ლიპარტელიანი: კონფლიქტი შეიძლება ნებისმიერთან მოგივიდეს... ჩვენ ვიქნებით მეგობრები და ერთი ოჯახის წევრები

თბილისში დაბრუნებულმა ძიუდოისტთა გუნდის კაპიტანმა ვალერი ლიპარტელიანმა მსოფლიოს ჩემპიონატის შესახებ ილაპარაკა:

- უპირველესად, ყველას მინდა მივულოცო ის წარმატება, რასაც ბაქოში მივაღწიეთ. თუმცა მეტიც შეგვეძლო იქიდან გამომდინარე, რომ თითქმიუს ყველას შეეძლო მედლის მოპოვება. თუმცა 3 მედალიც ძალიან სასიხარულოა. მით უფრო, იმის ფონზე, რაც ჩვენ ამ ბოლო პერიოდში გავიარეთ. თუ იქნება ის, რაც სპორტსმენებს სურთ, მაშინ შედეგიც მეტი იქნება.

ჩემს გამოსვლას რაც შეეხება, ამაზე ლაპარაკიც მიჭირს, მაგრამ მადლობა ღმერთს იმისთვის, რაც მოგვცა. თუმცა ამაზე გაჩერებას არ ვაპირებ და დღესაც ვამბობ, რომ ჩემი მიზანია მსოფლიოსა და ოლიმპიური ჩემპიონობა.

ვალერი ლიპარტელიანის სინანულის ვერცხლი [VIDEO+ანალიზი]

ლიპარტელიანმა კომენტარი გუნდის ერთიანობაზეც გააკეთა:

- მე ვიტყოდი, გუნდი ერთიანია და ყველას გვინდოდა ერთმანეთის წარმატება. უბრალოდ, ნებისმიერ ადამიანთან შეიძლება, მოგივიდეს კონფლიქტი და ასეთი რამ ოჯახშიც ხდება, მაგრამ ხვალ-ზეგ ის აუცილებლად მოგვარდება. არა მარტო სპორტში, არამედ მის გარეთაც ჩვენ ვიქნებით მეგობრები და ერთი ოჯახის წევრები.

2490
მკითხველის კომენტარები / 5 /
გრიშა
0
ლიპარტელიანს ყველა შემთხვევაში ოქრო უნდა მოეპოვებია. მეორე ადგილი მსოფლიოზე სხვა ნებისმიერ მოჭიდავისათვის მართლაც დიდი წარმატებაა, მაგრამ არა ლიპარტელიანისათვის. მისი გამოსვლა არ არის წარმატებული. დღეისათვის ის მინიმუმ ორგზის მსოფლიო ჩემპიონი მაინც უნდა იყოს.
აპოლონიუს
0
ლიპოს შეიძლება ვერცხლის შედეგები ჰქონდეს ამ ბოლო დროს, მარა ოქროს ბიჭია თავიდან ბოლომდე! გვერდზე ვართ ბოლომდე კაპიტან!
მსგავსი ამბები
რუბრიკის სხვა სიახლეები
;