ვალვერდე მთავრდება, ბარსელონამ მთავარი მწვრთნელის პოსტი ჩავის შესთავაზა

"ატლეტიკოსთან" ესპანეთის სუპერთასის ნახევარფინალში მარცხის (2:3) შემდეგ "ბარსელონას" ხელმძღვანელობამ მთავარი მწვრთნელის მიმართ ნდობა სრულად დაკარგა, - ამ სიტყვებით დაიწყო თემის მიმოხილვა კატალონიურმა რადიო RAC1-მა. 

მიუხედავად იმისა, რომ "ბარსელონამ" ლა ლიგის სათავეშია და ჩემპიონთა ლიგის მერვედფინალშიცაა გასული, ანუ პოტენციურად სეზონი ორი უმნიშვნელოვანი ჯილდოთი შეიძლება დაასრულოს, კატალონიური გრანდის ბოსები მაინც საჭიროდ მიიჩნევენ, არ გარისკონ და ახლავე ჩამოაშორონ ერნესტო ვალვერდე გუნდის მესაჭის როლს.

თავის "ოქროს" წლებში "ბარსელონამ" ისე შეაჩვია ქომაგი (მათ შორის, ესპანეთის ფარგლებს გარეთაც) თვალწარმტაც ფეხბურთს და დიდ გამარჯვებებს, ახლა ქომაგებს ვეღარ ეგუებიან უღიმაღამო თამაშების სერიას, თუნდაც ლიონელ მესის, ლუის სუარესისა და ანტუან გრიზმანის, ასევე არაერთი ნიჭიერი ფეხბურთელის ხელში.

ალბათ, ამიტომაც არის, რომ "ბარსელონას" ბოსები ალტერნატივას იმ თაობის ბიჭებში ეძებენ. ესპანური წყაროების ინფორმაციით, "ბარსას" დირექტორები - ერიკ აბიდალი და ოსკარ გრაუ ყატარის დედაქალაქ დოჰაში ორი საათის განმავლობაში ელაპარაკებოდნენ ჩავი ერნანდესს, რომელიც ახლა იქაური "ალ სადის" თავკაცია.

RAC1-ის ინფორმაციით, სწორედ ამ 2-სათიანი მოლაპარაკების შემდეგ დაიბადა იდეა, ჩავიმ თავის მშობლიურ კლუბთან 2.5-წლიანი ხელშეკრულება გააფორმოს და ახლავე შეცვალოს ვალვერდე, რომელსაც უახლოეს საათებში კარისკენ მიუთითებენ.

იმავე გამოცემის ცნობით, ჩავიმდე "ბარსელონას" დირექტორებს მოლაპარაკება ჰქონდათ ჰოლანდიის ნაკრების მწვრთნელსა და კატალონიური გრანდის ლეგენდა რონალდ კუმანთან, ასევე "ბარსას" ყოფილ შემტევთან და მსოფლიო ფეხბურთის კიდევ ერთ ლეგენდასთან, ტიერი ანრისთან, და ამდამად უმუშევრად მყოფ კიკე სეტიენთან, რომელიც ბოლო წლებში "ლას პალმასსა" და "ბეტისში" მუშაობდა.

1635
მკითხველის კომენტარები / 0 /
მსგავსი ამბები
რუბრიკის სხვა სიახლეები
;