ვანდამ იკარდი პარიზში გაუშვა

მაურო იკარდი სეზონის ბოლომდე იჯარით პსჟ-ში ითამაშებს. როგორც ჩანს, არგენტინელ ფორვარდსა და "ინტერის" ხელმძღვანელობას შორის რამდენიმე თვის წინ გაფუჭებული ურთიერთობა ვერ დალაგდა.

როგორც ამბობენ, ამაში დიდი როლი ჰქონდა იკარდის მეუღლსა და აგენტს ვანდა ნარას, რომელსაც ქმარზე ძალიან დიდი გავლენა აქვს. ცნობილია ისიც, რომ ვანდას კონფლიქტი მოუვიდა პირადად "ინტერის" სპორტულ დირექტორ ბეპე მაროტასთან.

იკარდის წინადადებები ჰქონდა სხვა იტალიური და ასევე ესპანური კლუბებისგან. თუმცა პირადად პსჟ-ის პრეზიდენტმა ნასერ ალ-ხელაიფიმ და სპორტულმა დირექტორმა ლეონარდომ დაარწმუნეს 27 წლის თავდამსხმელი და მისი აგენტი, რომ ერთწლიან იჯარაზე დათანხმებულიყვნენ, ოღონდ, შეთანხმება არ ითვალისწინებს გამოსყიდვას.

იკარდი "ინტერში" 2013 წლიდანაა. გასულ სეზონში მან ყველა ტურნირის ჩათვლით 37 მატჩში მიიღო მონაწილეობა, 17 გოლი გაიტანა და 5 საგოლე პასი გააკეთა.

837
მკითხველის კომენტარები / 0 /
მსგავსი ამბები
რუბრიკის სხვა სიახლეები
;