ვანო კარკაძე საფრანგეთის ელიტურ, მეორე დივიზიონში, 'ორიაკიში' ითამაშებს

საქართველოს 18-წლამდელთა ნაკრებში, რომელიც ახლახან ევროპის ჩემპიონი გახდა, ერთერთი გამორჩეული მორაგბე შერკინების კვაჭი ვანო კარკაძე გახლდათ.

ქუთაისის "აიას" აღზრდილმა, შეიძლება ითქვას, რომ ფინალში ფრანგებს გამარჯვების მომტანი ლელო გაუტანა.

აღსანიშნავია, რომ კარკაძემ საფრანგეთის ნაკრები შარშანდელ ფინალშიც დაალელოვა, მაგრამ მაშინ "უმცროსი ბორჯღალოსნები" დამარცხდნენ.

ვანო კარკაძის კარგი თამაში, ცხადია, ფრანგ სკაუტებს მხედველობიდან არ გამოჰპარვიათ. მან სამწლიანი კონტრაქტი საფრანგეთის ელიტური, მეორე დივიზიონის "ორიაკთან" გააფორმა. ამ გუნდში რამდენიმე ქართველი ირიცხება. ორიაკელთა ერთერთი ლიდერი საქართველოს ნაკრების კაპიტანი მერაბ შარიქაძეა.

გუნდის ხელმძღვანელობა სამომავლოდ დიდ იმედებს ამყარებს მესამეხაზელ გიორგი ცუცქირიძეზე, აქვე ირჯება მეორეხაზელი გიორგი ჯავახია, რომელმაც შარშანწინ ინგლისში გამართულ მსოფლიოს ახალგაზრდულ ჩემპიონატზე საქართველოს 20წლამდელთა ნაკრებში ითამაშა.

"ორიაკში" დაიწყო წლევანდელი სეზონი შერკინების ბურჯმა ნიკოლოზ ხატიაშვილმა, რომელიც ახლახან ზე რაგბიში მოასპარეზე იაპონურ "სანვულვზში" გადაბარგდა.

"ორიაკი", ამჟამად, ბოლო ტურის წინ მე13 დგილზე იმყოფება. მომავალი სეზონიდან კი კლუბის ხელმძღვანელები მაღალი მიზნებისთვის ბრძოლას აპირებენ.

ახლახან გავრცელდა ინფორმაცია, რომ საქართველოს ნაკრების მეორეხაზელმა კონსტანტინე მიქაუტაძემ "მონპელიესთან" ახალ, ორწლიან კონტრაქტს მოაწერა ხელი. ჩვენი ნაკრების ერთერთი ლიდერი ამჟამად ტრავმირებულია და ოპერაციის შემდეგ რეაბილიტაციის კურსს გადის. მიქაუტაძე თამაშს, სავარაუდოდ, მაისში შეძლებს.

ყოველდღიური სპორტული გაზეთი "ლელო"
348
მკითხველის კომენტარები / 0 /
რუბრიკის სხვა სიახლეები