ვაჟა ტაბატაძე და ბაქარ მირცხულავა: ამიტომ გადავწყვიტეთ გაჭირვებისას "ტორპედოს" გვერდში დავდგომოდით

ქუთაისის „ტორპედოს“ ფეხბურთელებმა ქუთაისური საფეხბურთო სკოლის გაზრდილებმა გუნდის პერსპექტივაზე ილაპარაკეს და იმაზეც, რატომ გადაწყვიტეს გაჭირვებაში „ტორპედოში“ თამაში.

„ქუთაისის „ტორპედოს“ კაპიტნობა ძალიან საპასუხისმგებლოა. ასეთი კლუბის კაპიტანი როცა ხარ, მეტი მოგეთხოვება. ბევრი სირთულე გამოვიარეთ, მაგრამ შინაგანად მჯეროდა, რომ „ტორპედო“ გადარჩებოდა, ამიტომ წასვლას მოცდა ვამჯობინე" - ამბობს გუნდის კაპიტანი ვაჟა ტაბატაძე, რომელიც შარშანდელი საჩემპიონო შემადგენლობიდან ერთად-ერთია, ვინც გუნდში დარჩა.

ბაქარ მირცხულავა ქუთაისელია, მაგრამ, ასაკობრივი ნაკრებების შემდეგ, სადაც ის საბა კვირკველაის მეწყვილე იყო, ლისაბონის „ბენფიკაში“ გადავიდა, სადაც დუბლების კაპიტანი გახდა. მაგრამ კარიერა ისე ვერ აეწყო, როგორც მის სანაკრებო პარტნიორს და თავის ყოფილ კლუბში დაბრუნება მოუხდა: „მე ქუთაისის „ტორპედოში“ გავიზარდე, პირველად ბურთს აქ შევეხე და ჩემი ფეხბურთისადმი სიყვარულიც აქედან მოდის. ძალიან მიყვარს „ტორპედო“, რომელსაც საოცარი გულშემატკივარი გვყავს... იმედი მაქვს, გუნდი ძველ სიმაღლეზე მალე დაბრუნდება და მის წარმატებაში წვლილს მეც შევიტან".

3032
მკითხველის კომენტარები / 0 /
მსგავსი ამბები
რუბრიკის სხვა სიახლეები
;