ვარჯიშს სოხუმის "დინამოც" იწყებს

სოხუმის „დინამოს" ოფიციალური გვერდის ცნობით, გუნდი ვარჯიშს 13 მაისს განაახლებს. ამასთან დაკავშირებით კომენტარი გუნდის მთავარმა მწვრთნელმა დავით თაქთაქიშვილმა გააკეთა.

„უპირველესად, მინდა ყველა ფეხბურთელს ვარჯიშის განახლება მივულოცო. საწვრთნელ პროცესს 13 მაისიდან დავიწყბთ. კლუბის ხელმძღვანელებმა ეს შესაბამის ორგანოებთან შეათანხმეს და მივიღეთ რეკომენდაციები, რომლებსაც აუცილებლად შევასრულებთ. გუნდი ვარჯიშს 4-4 ფეხბურთელით განაახლებს. ამ დროს ფეხბურთელებს შორის დაშორება 4 მეტრი იქნბა ხოლო გამოსაცვლელი სივრცე ღია ცისქვეშ იქნება. კლუბის ძალისხმევით და ჩვენი ფეხბურთელების დახმარებით შევძელით, რომ ფეხბურთელებს მანქანები მოემსახურება და ვარჯიშის დასრულების შემდეგ სახლში წაიყვანენ.

ამ ტიპის ვარჯიშის განახლება მოგვცემს საშულებას, რომ ფეხბურთელების ფსიქოლოგიური განწყობა და ფიზიკური კონდიციები გაუმჯობესდეს. იმედია, ეს მოგვცემს საშუალებას, რომ სეზონის განახლების დროს სხვა გუნდებზე უკეთ მომზადებულები ვიქნებით. ეს თარიღი კი შეგნებულად ქართული ფეხბურთისთვის ყველაზე მნიშვნელოვან დღეს, 13 მაისს დავამთხვიეთ" - ამბობს მთავარი მწვრთნელი დავით თაქთაქიშვილი.

სოხუმის „დინამოს" თბილისის „ლოკომოტივის" შემდეგ მეორე გუნდია, რომელმაც ვარჯიშის განახლება გადაწყვიტა. აქვე ვიტყვით, რომ გადაცემაში „ბურთი და მოედანი" ამ საკითხზე კომენტარი საქართველოს ფეხბურთის ფედერაციის პრეზიდენტმა, ლევან კობიაშვილმა გააკეთა.

„ვფიქრობ, პირველი ეტაპის დაწყებას ძალიან მალე შევძლებთ. ყველა ფეხბურთელისა და სამწვრთნელი შტაბის ტესტირება და მათი თვითიზოლირება დაგვჭირდება. მოგვცემს უფლებას, რომ ვარჯიშის შემდეგ ფეხბურთელი სახლში წავიდეს ან მეგობრებთან გაიაროს, მეორე დღეს კი ვარჯიშზე მოვიდეს.

გაწერილი იქნება, როგორ უნდა მოვიქცეთ. 1-2 კვირა, ინდივიდუალური ვარჯიშები იქნება, 14 დღის შემდეგ მდგომარეობა ისევ გადამოწმდება და თუ ყველაფერი კარგად იქნება, გუნდურ ვარჯიშებზე ეტაპობრივად გადავალთ, გარკვეული დროის შემდეგ კი თამაშების ჩატარებაც რეალური გახდება“ - განაცხადა ლევან კობიაშვილმა.

1748
მკითხველის კომენტარები / 0 /
მსგავსი ამბები
რუბრიკის სხვა სიახლეები
;