ვენა ნიკოლოზ ბასილაშვილის გარეშე

ქართველი ჩოგბურთელი ნიკოლოზ ბასილაშვილი ვერ ითამაშებს ავსტრიის დედაქალაქ ვენას ტურნირის ძირითად ბადეში.

ნიკა საკვალიფიკაციო ტურნირზე პირველ ნომრად იყო განთესილი, მაგრამ საწყის რაუნდშივე წააგო უკრაინელ სერგეი სტახოვსკისთან - 1:6, 5:7.

შეხვედრა საათი და შვიდი წუთი გაგრძელდა, რომლის დროსაც ბასილაშვილმა ორი ბრეიკ-პოინტიდან ერთი გამოიყენა, უკრაინელს კი 10 ბრეიკ-პოინტი ჰქონდა და ოთხჯერ აიღო მეტოქის მოწოდება.

აღსანიშნავია, რომ მეორე პარტიაში ბასილაშვილი 5:3-ს იგებდა და სეტზე ჩაწოდება ვერ მოახერხა, რის შემდეგაც, ზედიზედ ოთხი გეიმი დათმო და ბრძოლას გამოეთიშა.

ყოველდღიური სპორტული გაზეთი "ლელო"

1046
მკითხველის კომენტარები / 0 /
რუბრიკის სხვა სიახლეები