ვერც მასპინძლებმა ივარგეს...

საქართველოს ჩემპიონატის მე-6 ტური გამორჩეული იმით შეიძლება იყოს, რომ მოწინავე ხუთეულიდან ვერც ერთმა მოიგო. ტურში ორი მატჩი ფრედ აქამდე არასდროს დასრულებულა. ამასთან, მასპინძლებმა ერთი მატჩიც ვერ მოიგეს.

ხარები-ლოკომოტივი           17:21

ხარები: 2ლ - თაბუკაშვილი, ბებიაშვილი. 2გ - ხუციშვილი. ს - პეტრიაშვილი.

სინბინი: ციცქიშვილი

ლოკომოტივი: 2ლ - ძნელაძე (2). 3ს,გ - ჯავახიშვილი

სინბინი: მაისურაძე

მსაჯი: საბა აბულაშვილი

ყველაზე მოულოდნელი კი, ბოლო ხანს შესანიშნავად მოთმაშე რუსთავის „ხარების“ საშინაო მარცხი იყო თბილისის „ლოკომოტივთან“. „ხარები“, რომელმაც საბოლოოდ რკინიგზელებთან მატჩი დათმო, მე-17 წუთისთვის უკვე 14:0 იგებდა. ძნელი სათქმელია რა დაემართა რუსთაველთა გუნდს. სამაგიეროდ, ასევე სრულიად სახე იცვალა „ლოკომოტივმაც“ და 46-ე წუთზე უკვე 15:14 დაწინაურდა. რკინიგზელებს ინიციატივა ხელიდან არც ამის შემდეგ გაუშვიათ. თამაშის დასრულებამდე ოთხი წუთით ადრე კი, 21:14 იგებდნენ. მასპინძლებმა სწორედ ამ დროს შეძლეს ერთი საჯარიმოს გატანა. თუმცა, მატჩის გადარჩენა ვეღარ მოახერხეს.

*  *  *

ბათუმი-აია    10:10

ბათუმი: ლ - მამრიკიშვილი. გ - კ.ბუჯიაშვილი. ს - ურჯუკაშვილი

სინბინი: გოგისვანიძე, ხმალაძე.

აია: ლ,ს.გ - გ.ბაბუნაშვილი

მსაჯი: ნიკა ამაშუკელი

ტურის ცენტრალური მატჩი ბათუმში გაიმართა. ქუთაისის „აიამ“ ქვეყნის ჩემპიონ „ბათუმს“ პირველი ტაიმი მოუგო - 7:3. თუმცა, შესვენების შემდეგ მოვლენები ისე განვითარდა, რომ მარცხისგან თავის დაღწევისთვის ბრძოლამ მოუწია. აღსანიშნავია, რომ საბოლოო ანგარიში 10:10 ტაბლოზე ჯერ კიდევ 63-ე წუთზე ენთო. დარჩენილ 17 წუთში კი, გადამწყვეტი უპირატესობის მოპოვება ვერც ერთმა შეძლო.

*  *  *

აკადემია-ჯიქი          16:24

აკადემია: ლ,3ს,გ - მოძღვრიშვილი.

სინბინი: ბურდული

ჯიქი: 2ლ - ტრაპაიძე (2). 4ს.გ - ჯინჭველაშვილი

სინბინი: საჯაია

გაძევება: მასხარაშვილი

მსაჯი: შოთა თევზაძე

 სანტერესო და ძალზე დაძაბული გამოდგა თბილისის „აკადემიასა“ და გორის „ჯიქის“ დაპირისპირება. აკადემიელთა მგეზავის, დავით მოძღვრიშვილის გარჯამ, რომელმაც გუნდს ყველა, თექვსმეტივე ქულა (ლელო, სამი საჯარიმო და გარდასახვა) მოუტანა, გუნდს ვერაფრით უშველა. მეტიც, „ჯიქის“ სასახელოდ უნდა ითქვას, რომ ისინი 55-ე წუთიდან მატჩის ბოლომდე კაცნაკლულნი დარჩნენ და მაინც შეძლეს გამარჯვების მოპოვება.

*  *  *

ყოჩები-ლელო          24:24

ყოჩები: ტყეშელიაძე, კორკელია, წიკლაური, არჩუაშვილი. 2გ - ხურცილავა.

სინბინი: ხიდეშელი

ლელო: 4ლ - მათიაშვილი, მარგალიტაძე, ნიქაბაძე, ტაბუცაძე. 2გ - ყიასაშვილი

მსაჯი: თორნიკე გვირჯიშვილი

ყველაზე უხვლელოიანი ბოლნისის „ყოჩებისა“ და თბილისის „ლელოს“ დაპირისპირება გამოდგა. გუნდებმა ოთხ-ოთხი ლელო მიითვალეს. თუმცა, მხოლოდ ორ-ორის გარდასახვა შეძლეს. გამარჯვების მოპოვება ორივე გუნდს თანაბრად შეეძლო. ბოლო ათი წუთის განმავლობაში კი, როცა უკვე ანგარიში საყაიმო იყო, „ლელო“ უტევდა. ლელოელებმა ორჯერ საჯარიმო კარში არ დაარტყეს. აუტში გადაიტანეს და ლელოს გატანა სცადეს. მეტოქის ჩათვლის მოედანთან მიახლობულები კი, რაკში თამაშისას ჯარიმდებოდნენ და საბოლოოდ ფრეს დასჯერდნენ. 

*  *  *

იუნკერები-არმზი     15:18

იუნკერები: 2ლ - ჟღენტი, კავთიძე. გ - კიკნაძე. ს - კავთიძე.

სინბინი: ბებია

არმაზი: 2ლ - დვალიშვილი, ცინცაძე. 2ს,გ - ცინცაძე.

მსაჯი: სულხან ჩიხლაძე

„უცნაურად“ დასრულდა კიკეთის „იუნკერებისა“ და მარნეულის „არმაზის“ დაპირისპირება. უმაღლესი ლიგის დებიუტანტებმა პირველი ნახევარი 12:0 მოიგეს და ამ ანგარიშს 50-ე წუთამდე ინარჩუნებდნენ. არმაზელებმა თამაშის ტემპს უმატეს და უკვე 59-ე წუთზე ანგარიშის გათანაბრება შეძლეს - 12:12. თამაშის დასკვნით მეოთხედში „არმაზმა“ კიდევ ორი საჯარიმოს გატანა შეძლო, რაზეც „იუნკერებმა“ მხოლოდ ერთით უპასუხეს.

ქ(ს)
1. აია 6 4 1 1 75 21(3)
2. ხარები 6 4 0 2 39 19(3)
3. ბათუმი 6 3 2 1 29 18(2)
4. აკადემია 6 4 0 2 14 17(1)
5. ლელო 6 2 1 3 32 14(4)
6. ჯიქი 6 3 0 3 -36 13(1)
7. არმაზი 6 2 1 3 -27 11(1)
8. ლოკომოტივი 6 2 1 3 -88 10(0)
9. იუნკერები 6 1 0 5 -8 9(5)
10. ყოჩები 6 1 2 3 -31 9(1)

VII ტური
1-3 ნოემბერი
ჯიქი-იუნკერები
არმაზი-ხარები
ლოკომოტივი-ბათუმი
აია-ყოჩები
ლელო-აკადემია
363
მკითხველის კომენტარები / 0 /
რუბრიკის სხვა სიახლეები
;