The Guardian: 'დინამომ' არაამქვეყნიური ფეხბურთი უჩვენა - 'ვესტ ჰემი' 4:1 დაამარცხა! [VIDEO+PHOTO]

ჟურნალისტმა მარტინ სამუელმა "აპტონ პარკზე" გამართული დასამახსოვრებელი მატჩები გაიხსენა და მათ შორის, ერთი ისეთი თამაშიც, სამუელისგან განსხვავებით, ქართველები სიამოვნებით რომ ვიხსენებთ ხოლმე - 1981 წლის 4 მარტი, თასების მფლობელთა თასის მეოთხედფინალი, რომელშიც თბილისის "დინამომ" "ვესტ ჰემს" 4:1 მოუგო.

ვესტ ჰემი
1
დინამო
4
თასების მფლობელთა თასი
მეოთხედფინალი. I მატჩი.
1981 წლის 4 მარტი. აპტონ პარკი.
გოლები: 0:1 ჩივაძე (24), 0:2 გუცაევი (31), 1:2 ქროსი (54), 1:3 შენგელია (55), 1:4 შენგელია (67)
ვესტ ჰემი: პარკსი, სტიუარტი, ლემპარდი, ბონდსი, მარტინი, დევონშირი, ნეიბერი, გოდარდი, ქროსი, ბრუკინგი, პაიკი შეცვლაზე შევიდა: ალენი

დინამო: გაბელია, ხიზანიშვილი, ჩივაძე, ხინჩაგაშვილი, თავაძე, დარასელია, სვანაძე, სულაქველიძე, გუცაევი, ყიფიანი, შენგელია

"ინგლისში "დინამოს" უკვე დიდი ავტორიტეტი ჰქონდა მოხვეჭილი. წინა ევროსეზონში ამ გუნდმა ჩემპიონთა თასიდან თვით "ლივერპული" დაითხოვა...

დინამოელებმა ნამდვილი მასტერკლასი ჩაატარეს. საოცრება იყო ალექსანდრე ჩივაძის მიერ "ვესტ ჰემის" კარში გატანილი პირველი გოლი. მან 30 იარდიდან ულამაზესი დარტყმით გამოუვალ მდგომარეობაში ჩააგდო მსოფლიოს უძვირესი გოლკიპერი ფილ პარკსი...

ის შეხვედრა "დინამომ" 4:1 მოიგო. არადა, შეიძლებოდა, სტუმრებს 24:1 მოეგოთ. "დინამოს" მაშინვე შეეტყო, ტურნირის ერთ-ერთი ფავორიტი რომ იყო და თასიც სწორედ მან მოიგო.

"ვესტ ჰემთან" მატჩი იყო ქართველების მიერ შემოთავაზებული ნამდვილი კონცერტი, რომელიც დიდხანს არ დაავიწყდება ფეხბურთის ჭეშმარიტ გულშემატკივარს", - წერს ინგლისელი ჟურნალისტი.

3 ოქტომბერს \'დინამომ\' \'ლივერპული\' დაამარცხა: ოთარ გაბელიას ემოცია 39 წლის შემდეგ [VIDEO]

ამავე შეხვედრას ძალიან საინტერესო წერილი მიუძღვნა "გარდიანმა". ამ წერილის ავტორი გახლავთ ცნობილი ბრიტანელი ჟურნალისტი, კრეიგ მაკრაკენი. წერილს ასე ეწოდება: "როგორ გააკვირვა თბილისის "დინამომ" ინგლისელი გულშემატკივრები ცივი ომის შუაში".

"სანამ სატელევიზიო ინდუსტრია მთელს ევროპას მოიცავდა, ძალიან მცირე რამ იყო ცნობილი ინგლისელი გულშემატკივრებისათვის მოშორებით მდებარე ქვეყნების კლუბების თაობაზე. ინგლისელ ქომაგს ეს ამბები მაინცდამაინც არ აინტერესებდა. მას ერჩივნა გართობა იმ ნიუსებით, რომლებიც შეეხებოდა კრივს, ქერლინგს და ასე შემდეგ.

ერთგვარ მისტერიას ჰგავდა თბილისის "დინამოს" გამოჩენა ინგლისურ მინდვრებზე 70 - იანი წლების ბოლოს და 80 - იანი წლების დასაწყისში. ჩემს წარმოდგენაში ახლა ხმიანდება კითხვა, რომელიც მაშინ უამრავ ინგლისელს აწუხებდა - ვინ არიან ეს ფეხბურთელი - სუპერმენები, რომლებიც აწარმოა ფეხბურთის საბჭოთა ლაბორატორიამ? რატომ არ ბრწყინავენ ისინი ფეხბურთში ისე, როგორც უნდა იბრწყინონ და ასე შემდეგ.

"დინამო" ბრიტანულმა პუბლიკამ პირველად 1979-80 წლების სეზონში გაიცნო. მაშინ თბილისურმა კლუბმა საშინაო ასპარეზზე "ლივერპულისაგან" ქვა ქვაზე აღარ დატოვა. ეს იყო დაუვიწყარი მატჩი დაუვიწყარი ქომაგობა.

"დინამო" არ თამაშობდა ისეთ ფეხბურთს, როგორსაც უპირატესობას ანიჭებდნენ რუსული და უკრაინული კლუბები. ეს იყო ბურთის ფლობაზე დაფუძნებული სათამაშო სტილი, რომლის შემადგენელიც გახლდათ მოკლე პასები.

ანგარიში დავით ყიფიანის დიდებული ქმედების შემდეგ ვლადიმერ გუცაევმა გახსნა. დიდებული გოლი მოჰყვა ქართველი მცველის, გიორგი ჭილაიას 60 იარდიან რეიდს. რამაზ შენგელიას სიზუსტემ არ უმტყუნა. მოკლედ, "ლივერპული", რომელიც მაშინ უძლეველი მონსტრი იყო, ასეთი დაჩაგრული სულ რამდენჯერმე თუ ყოფილა.

[დიდი მატჩები] 2003 წლის 30 აპრილი: როგორ დავამარცხეთ რუსეთი!

მეორედ "დინამოსა" და ინგლისური კლუბების გზა 1981 წელს, თასების თასის გათამაშების მეოთხედფინალში გადაიკვეთა. ინგლისში გამართულ პირველ შეხვედრაში სტუმრებმა არაამქვეყნიური ფეხბურთი აჩვენეს. მათ რამდენიმე სამაგალითო კონტრშეტევა განახორციელეს. მათი მწვრთნელის არსენალში იყო ისეთი სამწვრთნელო ხერხები, რომლებიც დღესაც კი არ ისწავლება უეფას სამწვრთნელო კურსებზე, შედევრი იყო პირველი გოლი, რომელიც ალექსანდრე ჩივაძემ შეაგდო. ეს გახლდათ საფეხბურთო ესთეტი, ცენტრალური მცველი, რომლიც დარიც ალბათ სულ რამდენიმე ჰყავდა მსოფლიოს. 30 იარდიდან მის დარტყმულს "ლივერპულის"მეკარემ ვერაფერი მოუხერხა.

ეს ოყო გუნდი - საოცრება - დავით ყიფიანის არნახული ოსტატობები მინდვრის ცენტრში, ვლადიმერ გუცაევის რეიდები, რამაზ შენგელიას სისხარტე და კარის ტელეპატიური გრძნობა... ქართველები ტექნიკით, სისწრაფითა და ტაქტიკური აზროვნებით სჯაბნიდნენ მეტოქეს.

ეს იყო ტემპის, კოლექტიური თამაშისა და ინდივიდუალიზმის დიდებული შეხამება. შემთხვევითი არ იყო, რომ "დინამოს" ფანები ინგლისშიც გაუჩნდა. პირიქით, ეს ლოგიკური იყო.

მეორე მატჩში "დინამომ" მშვიდად ითამაშა და მხოლოდ ბოლოს გაუშვა, რასაც ორთამაშიან დუელზე არავითარი გავლენა არ მოუხდენია. შეიძლება თამამად ითქვას, რომ ქართულმა გენიამ ინგლისი დაიპყრო."

7071
მკითხველის კომენტარები / 0 /
მსგავსი ამბები
რუბრიკის სხვა სიახლეები