ვეტერანი 'ბორჯღალოსანი' სიმონ მაისურაძე ირლანდიურ აკადემიაში მიიწვიეს

ვეტერანი ბორჯღალოსანი, დავით კილასონიას სახელობის რაგბი ეროვნული აკადემიისა და თბილისის „ლოკომოტივის“ მწვრთნელი სიმონ მაისურაძე, სამუშაოდ ირლანდიის რაგბის აკადემიაში მიიწვიეს.

ირლანდიის რაგბის აკადემია კერძო აკადემიაა და ქალაქ ნაისში სამხრეთაფრიკელმა სპეციალისტებმა გახსნეს. დირექტორი დენ ფან სეილია, რომელსაც ზე რაგბისა და ირლანდიაში უმაღლეს დონეზე, ასევე სამხრეთ აფრიკის ნაკრებში უთამაშია. მისი დამხმარე, ასევე სამხრეთაფრიკელი იოან ტეილორია, რომელსაც ასევე ზე რაგბსა და ირლანდიაში უთამაშია.

სამხრეთაფრიკელი სპეციალისტების გარდა, სიმონ მაისურაძის მსგავსად, იქ რამდენიმე ცნობილი სპეციალისტი მუშაობს. ფრანგი ფილიპ სენტ-ანდრე, რომლის ანგარიშზე საფრანგეთის ნაკრების 69 კეპია, მწვრთნელად კი საკლუბო დონეზე „გლოსტერში“, „სეილ შარქსსა“ და „ტულონში“, ხოლო საერთაშორისო დონეზე საფრანგეთის ეროვნულ ნაკრებში უმუშავია. აქვე ირჯება ჩილეს ნაკრების მწვრთნელი სებასტიან ბერტი. 2007 წლის მსოფლიოს თასის გამარჯვებული ბობი სკინსტადი, ირლანდიის ნაკრების ყოფილი მორაგბე მაიკლ როსი. ამავე აკადემიაში მუშაობს კიდევ ერთი ქართველი ნიკა აბდალაძე, რომელიც წლებია, ირლანდიაში ცხოვრობს.

ყოველდღიური სპორტული გაზეთი "ლელო"
685
მკითხველის კომენტარები / 0 /
მსგავსი ამბები
რუბრიკის სხვა სიახლეები
;