ვინ არის ბრაზილიელი, რომელშიც მილანი 35 მილიონ ევროს იხდის? [VIDEO]

ბრაზილიური გამოცემა "გლობუ ეშპორტეს" ცნობით, "მილანმა" "ფლამენგოსთან" ლუკას პაკეტას ტრანსფერის დეტალები შეათანხმა. ინფორმაციაში ვკითხულობთ, რომ ბრაზილიური ფეხბურთის ამომავალი ვარსკვლავი, რომელშიც "როსონერი" 35 მილიონ ევროს იხდის, "სან სიროზე" იანვრიდან ითამაშებს, მანამდე კი სამედიცინო შემოწმებას გაივლის და კონტრაქტს (როგორც ამბობენ, 5-წლიანს) გააფორმებს.

21 წლის პაკეტა ცაციაა. მიმდინარე სეზონში მან "ფლამენგოს" მაისურით 24 მატჩი ჩაატარა, 9 გოლი გაიტანა და უკვე ორჯერ მოირგო ბრაზილიის ნაკრების მაისურა. მისი გადაბირება ძალიან უნდოდა "პარი სენ-ჟერმენს", მცდელობა ჰქონდათ სხვა ევროპულ გრანდებსაც, მაგრამ "მილანი" უფრო მარიფათიანად იმუშავა და საწადელსაც მიაღწია.

ყოველდღიური სპორტული გაზეთი "ლელო"
623
მკითხველის კომენტარები / 0 /
მსგავსი ამბები
რუბრიკის სხვა სიახლეები