ვინ არის საოჯახო თონის მეპატრონე, რომელიც პანდემიისას ხალხს პურს უფასოდ ურიგებს?

ამასწინათ, საკალათბურთო კლუბ თსუ-ს მთავარმა მწვრთნელმა ლექსო ლაფანაშვილმა "ფეისბუქზე" დაწერა - ნატახტარში, თონის მეპატრონე ხალხს ერთ შეძენილ პურზე კიდევ სამს უმატებდა საჩუქრადო...

[VIDEO] რა ხდება კანარის კუნძულებზე კორონავირუსის დროს? ინტერვიუ გიორგი შერმადინთან

ცხადია, იმ ადამიანს, სულაც არ ჰქონდა მიზნად ამ თემის საქვეყნოდ აფიშირება, მაგრამ კეთილი საქმე არ იმალება, მითუმეტეს, როცა თონის მეპატრონე სპორტულ საზოგადოებაში ცნობილი ადამიანია: სოსო შერმადინი კალათბურთელობისას გამოდიოდა "თელავში", "მაკაბიში", თსუ-ში... სხვათა შორის, იგი იმ საოცარი მატჩის მონაწილეა, სამმა თსუ-ელმა (დანარჩენი ჯარიმების გამო გავარდა) ფავორიტ "არმიას" კინაღამ რომ მოუგო.

მოკლედ, კარიერის დასრულების შემდეგ სოსომ მშობლიურ სოფელში ოჯახური ბიზნესის წარმოება გადაწყვიტა და სტეფანწმინდისკენ მიმავალ გზაზე, ნატახტარში, თონეც გახსნა. ვისაც იქ ნაყიდი პური გაუსნჯავს, მეორე გავლისას, აუცილებლად შეჩერდება...

შერმადინი? კალათბურთელი? - იკითხავთ. დიახ, სოსო საქართველოს ნაკრების ერთ-ერთი ლიდერის გიორგი შერმადინის უფროსი ძმაა. გიორგი ესპანეთიდან უდგას მხარში მას. აი, რას ამბობს "ტენერიფეს" ცენტრი სოსოს წამოწყებაზე:

- ქვეყანაში შექმნილი რთული სიტუაციის გამო გვინდოდა, ხალხს რამენაირად დავხმარებოდით. მე და ჩემმა ძმამ ვისაუბრეთ და გადავწყვიტეთ, რომ ნატახტარში, სადაც სოსოს საოჯახო თონე აქვს, პერიოდულად პურს უფასოდ დაარიგებდა ჩვენს თანასოფლელებზე და ყველაზე, ვინც თონეში მოვიდოდა. ძალიან ბევრი მადლობა მივიღეთ, თუმცა მთავარი ისაა, რომ იმ ოჯახებს ნაწილობრივ შევუმსუბუქეთ ყოფა, ვისაც უჭირს. ამ პროცესს ჩემი ძმა უძღვება და კიდევ გეგმავს დღეებს, როცა ნატახტრის თონიდან პურს უფასოდ დაარიგებს.

1788
მკითხველის კომენტარები / 1 /
ლერი
0
გენაცვალეეეე! ეხლა მართლა მჯერა: "კიდევაც დაიზრდებიან,ალგეთს ლეკვები მგლისანი,ისე არ ამოწყდებიან,ჯავრი არ ჭამონ მტრისანი."
ღმერთმა უმრავლოს ერს ასეთი ერის შვილი.
მსგავსი ამბები
რუბრიკის სხვა სიახლეები
;