ზიდანი, პოჩეტინო, სიმეონე. ვინ შეცვლის მოურინიოს?

ახლა სწორედ ეს თემაა აქტუალური - ვინ შეცვლის ჟოზე მოურინიოს? ახლა ბევრი არ არის ისეთი კანდიდატურა, ვისაც "იუნაიტედის" საჭე შეიძლება ჩააბარონ, მით უმეტეს, შუა სეზონში. თუმცა არის ერთი კაცი, ვინც ახლა უმუშევარია და, როგორც ამბობენ, ზედგამოჭრილია "მანჩესტერისთვის" - 46 წლის ზინედინ ზიდანი, ვინც "რეალიდან" სენსაციური წასვლის შემდეგ ჯერ კიდევ ისვენებს. სხვათა შორის, ამას წინათ, ზიზუს ვაჟმა, ენცომ, ასეთი რამ თქვა - მამას მობეზრდა უსაქმოდ ყოფნა და მალე დაიწყებს მუშაობასო...

რა იგულისხმა ზინედინის ძემ, ეს მხოლოდ ოჯახმა იცის. ჩვენ კი კარგად გვახსოვს, რომ როგორც კი მოურინიოსა და "იუნაიტედის" ბოსებს შორის შავმა კატამ დაიწყო სირბილი, მაშინვე ითქვა, რომ ჟოზეს მანჩესტერული დღეები დათვლილი იყო და მის ნაცვლად ზიდანს დაუძახებდნენ.

იმის მერე სამი თვე გავიდა და კაცმა არ იცის, რა გეგმები აქვს ახლა ზიდანს და რას ფიქრობენ "იუნაიტედში" მის კანდიდატურაზე, მაგრამ შევთანხმდეთ, რომ ის ერთ-ერთი იმათგანია, ვინც "ოლდ ტრაფორდზე" შეიძლება გამოჩნდეს მთავარი მწვრთნელის რანგში...

დავრჩეთ ინგლისში და ვთქვათ კიდევ ერთ სპეციალისტზე, რომელიც საკმაოდ მოთხოვნადია ბოლო დროინდელი წარმატებებიდან გამომდინარე. შესაძლოა, "წარმატებები" ძალიან ხმამაღლაც ჟღერდეს, მაგრამ მაურისიო პოჩეტინოს ხელში "ტოტენჰემი" პრემიერლიგის ელიტაშია, თამაშობს ჩემპიონთა ლიგაში და იბრძვის დიდი მიზნებისთვის. 46 წლის პოჩეტინო შემტევი ფეხბურთის აპოლოგეტია, რასაც "ოლდ ტრაფორდზე" ასე მიჩვეულები იყვნენ სერ ალექს ფერგიუსონის ხელში, მაგრამ მერე და მერე ეს აღარ იყო "იუნაიტედის" მთავარი საფეხბურთო დოქტრინა...

ლაპარაკობენ დიეგო სიმეონეზეც. 48 წლის არგენტინელი 2011 წლიდან მოძღვრავს "ატლეტიკოს" და თითქოს ამოწურა საკუთარი თავი ამ სამსახურში. მოიგო ლა ლიგა, ორჯერ ათამაშა გუნდი ჩემპიონთა ლიგის ფინალში... ვფიქრობთ, ამ რესურსებით ის ღირსეულად ეომა "რეალსა" და "ბარსელონას". ამიტომ, ბევრი ფიქრობს, რომ სიმეონე ნავსაყუდელს შეიცვლის, ოღონდ ეგ არის, სად ჩაუშვებს ღუზას? რამდენიმე დღის წინ მან თქვა, რომ ერთ დღესაც აუცილებლად გახდება "ინტერის" მწვრთნელი. თუმცა როდის დადგება ეს "ერთი დღე", კაცმა არ იცის.

რა თქმა უნდა, სიმეონე კვალიფიციური სპეციალისტია, მაგრამ მაგრამ მისი სათამაშო კონცეფცია ჰგავს მოურინიოსას, დამყარებულია შედეგზე და ნაკლებად ცნობს სანახაობას. ეს გაკვეთილი "ოლდ ტრაფორდზე" უკვე გავლილი აქვთ. ესეც არ იყოს, პოჩეტინოსთან შედარებით სიმეონეს (ზიდანისაც) მინუსი ის არის, არ იცნობს პრემიერლიგასა და მის ნიუანსებს. 

ჩვენ უკვე ვიცით "მანჩესტერის" ხელმძღვანელთა პოზიცია - ოფიციალურ განცხადებაში ვკითხულობთ, რომ სეზონის ბოლომდე "იუნაიტედში" დაინიშნება დროებითი მწვრთნელი, მერე კი... 

779
მკითხველის კომენტარები / 0 /
მსგავსი ამბები
რუბრიკის სხვა სიახლეები
;