ვინ ჩააცხრო იოზილის ვნებები?

საფეხბურთო კარიერაში საგოლე პასების სიხშირით გამორჩეული მესუთ ოზილი კარიერის მიღმა ქალებთან ურთიერთობით გამოირჩეოდა და სიჭაბუკიდან მოყოლებული მეგობარი გოგონების მთელი კოჰორტაც მოაგროვა.

ბოლო ხანს კი საფეხბურთო თვალსაზრისით ნაკლებად აქტიურმა იოზილმა, ჩანს საპირისპირო სქესის წარმომადგენლებთან ზედმეტი აქტიურობაც წარსულს ჩააბარა. მიმდინარე წლის ზაფხულში მან თურქული წარმოშობის მოდელ ამინ გიულსეზე იქორწინა, რა დროსაც ხელისმომკიდედ არც მეტი არც ნაკლები თურქეთის პრეზიდენტი რეჯეპ ტაიიპ ერდოღანი ჰყავდა.

მესუთ იოზილი მისი წინაპრების დარად ისლამს აღიარებს და როგორც ამბობენ საკმაოდ ღრმად მორწმუნეცაა. ის სუნიტია. კითხულობს ყურანს და დადის მეჩეთში. "მინდორზე გასვლის წინ ყოველთვის ვკითხულობ ნაწყვეტს ყურანიდან. ეს ხელს მიწყობს კონცენტრირებასა და საქმის მიმართ მეტი ყურადღებით დამოკიდებულბაში" - უთხრა იოზილმა "შპიგელს".

იოზილები თურქეთიდან გერმანიაში გასული საუკუნის შუახანებში ჩავიდნენ. მესუთის პაპა შახტში მძიმე სამუშაოზე იყო დასაქმებული, მისი შვილიც ფიზიკურად ბევრს შრომობდა ოჯახის სარჩენად. მესუთმა მშობლებისგან განსხვავებული გზა აირჩია და ფეხბურთზე შევიდა. საფეხბურთო ნიჭმა და მონაცემებმა მისი წარმატება და პოპულარობა განაპირობა.

წარმატება ყველაზე უკეთ საფეხბურთო კარიერაში აისახა, მას ხომ უკვე ნათამაშები აქვს გერმანული ბუნდესლიგის, ესპანური პრიმერადივიზიონის და ინგლისური პრემიერლიგის ტოპ-გუნდებში, სადაც უხვად ტიტულებს მოუყარა თავი. სანაკრებო ასპარეზზე მსოფლიოს ჩემპიონობა კი ამ მიმართულებით მწვერვალზე ყოფნის ნათელი მაგალითია.

მენდი კაპრისტო და მესუთ ოზილი


მესუთი პირადი ცხოვრების მოწყობისას პასებივით გულღიად სიყვარულსაც გასცემდა და ლამაზ ქალებთან ურთიერთობის გაბმა ფეხბურთელს არასოდეს უჭირდა.
თუმცა სპორტული, გნებავთ ცალკე საფეხბურთო სამყარო ისეთი ქალების მთელ ჯგუფს იცნობს, რომლებიც ცნობილ და მდიდარ ფეხბურთელებზე თავად აქტიურად "ნადირობენ" და ასეთებთან კავშირის გაბმაც არ უჭირთ.

ფოტოგრაფებს თურქული წარმოშობის გერმანელი ფეხბურთელი პარაგვაელ ტოპ-მოდელთან კლაუდია გალანტისთან არაერთხელ გამოუჭერიათ. გალანტის გალანტური და ჯიბეუხვი მამაკაცების ძიებაში ბადალი ნაკლებად ჰყავს, შესაბამისად, მათი ერთხანს ერთად ყოფნა მესუთზე მეტად კლაუდიას ყაირათიანი მეცადინეობის დამსახურება უნდა იყოს.

პარაგვაელთან სერიოზული ურთიერთობა იოზილს თითქმის არ ჰქონია. მათ ურთიერთობას იდეალური არ ეთქმოდა. იქნებ მიზეზი რელიგიაც იყო. რატომ? საქმე ისაა, რომ იოზილს თავისი მეგობარი გოგონების ყოველდღიურ ცხოვრებაში კორექტივების შეტანა უყვარდა და ცდილობდა მათი ცხოვრების წესი თავისთან შეძლებისდაგვარად მეტად შეეხამებინა. გალანტი სავარუდოდ ამაზე არ წავიდა, ან იქნებ ეს ფეხბურთელთან დასაშორებელ წინასწარ დაგეგმილ მცდელობას საფუძლადაც დაუდო.

მესუთი გარკვეულ ხანს ცნობილი პოპ-მომღერალის სარა კონორის დას ანა-მარიას ხვდებოდა. ეს ანა-მარია "ვერდერის" ყოფილი ფინელი ფეხბურთელის პეკა ლაგერბლომის ცოლი გახლდათ და მისგან შვილიც ჰყავს. როცა იოზილის თაყვანისმცემელი გახდა მის სიყვარულში თავით გადავარდა, ფეხბურთელს გვერდიდან აღარ შორდებოდა. მის გამო აღმსარებლობაც შეიცვალა. უწინ კათოლიკემ – ახლა ისლამი არჩია და სახელად მელექი (ანგელოზი) დაირქვა. ანა-მარია იქამდე თუ საკუთარი საკმაოდ ლამაზი სხეულის დემონსტრირებას ეროტიკული ჟურნალებისთვის ახდენდა, აღმსარებლობის შეცვლის შემდეგ ამ მიმართულებით საქმიანობაზე უარი განაცხადა. თუმცა, როგორც აღმოჩნდა საკუთარი თავის მიმართ დაწესებული აკრძალვები ფეხბურთელთან კავშირის სიმყარის გარანტიად ვერ იქცა და ისინი დაშორდნენ.

უფრო დიდ ხანს ოზილთან მელანი რიკინგერი ცხოვრობდა. მელანი "ბაიერნის" ყოფილი ფეხბურთელის კრისტიან ლელის მეუღლე იყო. ლელი ცოლებთან ურთიერთობაში კარგი რეპუტაციით არ გამოირჩეოდა, მეტიც ერთ-ერთი უწინდელი გელფრენდი მას ცემაში ადანაშაულებდა და ამის გამო კიდეც გაეყარა. მელანი მესუთმა მაშინ გაიცნო, როდესაც ჯერ კიდევ კრისტიანს არ დაშორებოდა.

ამიტომ, როდესაც ლელიმ რიკინგერი საბოლოოდ დაკარგა ხმამაღლა დაიჩივლა, ვიდრე ქალი ჩემთან იყო იოზილი მას მესიჯებით აბამდაო (კრისტიანს დასტურად ის მესიჯებიც შენახული ჰქონია). ამაზე მესუთს ხმა არ გაუღია, მელანიმ კი არც აცია, არც აცხელა და ყოფილ შეყვარებულს სასამართლოში უჩივლა პირად ცხოვრებაში ჩარევასა და ცილისწამებისათვის, მისმა ადვოკატებმა ლელს გაჩუმება ურჩიეს, ვიდრე ქალიც სააშკარაოზე გამოიტანდა პირადი ცხოვრების დეტალებს. ბოლოს და ბოლოს ლელი დანებდა.


აიდა იესპიკა


ფეხბურთის მოედნის გარდა სხვა ბევრ რამეზე ფიქრს რომ არ იკლებდა იოზილი - უდავოა. მადრიდის "რეალში" თამაშისას კლუბის პრეზიდენტი ფლორენტინო პერესი ხაზს უსავმდა, რომ ესპანეთში გადასვლამდე იოზილი საკმაოდ რელიგიური ადამიანი იყო, მაგრამ ესპანეთში ჩასვლის მერე ძალიან მოუხშირა გასართობ დაწესებუელებებში, ღამის ბარებში სიარულს, შესაბამისად ღამით გამოძინება და დასვენება მისთვის უკვე რთულად მისაღწევი საქმე იყო ამ მხრივ უდისციპლინობაშიც არაერთხელ ამხილეს. მადრიდში ცხოვრებისას მესუთის უდისციპლინობის მთავარ საბაბად ვენესუელელ ტოპ-მოდელს აიდა იესპიკას მიიჩნევდნენ.

იესპიკა "არსენალში" გადასულ მესუთს ლონდონში არ წაუყვანია. ინგლისის დედაქალაქში მის მორიგ სასიყვარულო რომანს მიეცა გასაქანი. ახალი მეგობარი გოგონა გრეის კაპრისტო გახდა, რომელსაც გერმანიაში პოპულარული მუსიკალური ტელეშოუს საშუალებით კარგად იცნობდნენ, მერე ტრიოში მღეროდა და ბოლოს სოლო კარიერაც გაიკეთა. კაპრისტოს არაერთი მუსიკალური ალბომი აქვს ჩაწერილი. სარეკლამო სახედაც ბევრჯერ გამოიყენეს და ასეთი ტიპის რგოლებშიც ხშირად ვხდავთ. მენდი კაპრისტომ 2000 წელს ავსტრიის სატელევიზიო შოუშიც გაიმარჯვა. მალე მოდის ერთ-ერთი გერმანული ჟურნალის მკითხველებმა იგი მსოფლიოში ყევლაზე სექსუალურ ქალადაც დაასახელეს.


ქორწილი ბოსფორზე. ამინ გულზეა, მესუთ ოზილი და რეჯეპ ტააიპ ერდოღანი


ის და იოზილი ერთმანეთს 2013 წლიდან ხვდებოდნენ. თავდაპირველად მესუთი ამბობდა რომ მენდის კარგად შეეწყო და იპოვა ის ვისაც ეძებდა, თუმცა გავიდა ერთი წელიწადი და სხვა, ახალი ქალის კამპანიაში გამოჩენის გამო რადგან კაპრისტო გაკაპრიზდა, მათი კავშირი ერთხანს გაწყდა.
მართალია, მერე ისევ შერიგდნენ, მაგრამ 2017 წლიდან ოზილის ნავსაყუდელი სწორედ ის გიულზეა, რომელთანაც ბოსფორის სრუტეში მდებარე ფეშენებელურ სასტუმროში შეუღლდა და ქორწილში მესუთის ხელისმომკიდე თურქეთის პრეზიდენტი ერდოღანი გახლდათ... თუმცა ამაზე ჩვენი ნაამბობის დასაწყისშივე გაუწყებდით.

10624
მკითხველის კომენტარები / 0 /
მსგავსი ამბები
რუბრიკის სხვა სიახლეები
;