ვიტალი დარასელიას სახელობის თასი დღეს დაიწყება!..

დღეს თბილისის "დინამოს" საფეხბურთო აკადემიაში ვიტალი დარასელიას სახელობის რიგით მესამე საერთაშორისო ტურნირი დაიწყება.

გუშინ კი ტურნირისწინა პრესკონფერენცია გაიმართა. ჟურნალისტების წინაშე აკადემიის დირექტორი ლევან გვანცელაძე, ტურნირის მენეჯერი არჩილ კეკელია, ასევე პარტნიორები - კულტურის, განათლების, სპორტისა და ახალგაზრდულ საქმეთა საქალაქო სამსახურის ხელმძღვანელი - ირაკლი გვილავა, სფფ-ის აკადემიის ხელმძღვანელი ირაკლი ლილუაშვილი, ტურნირის სპონსორები: VTB ბანკის მარკეტინგისა და პიარის სამსახურის ხელმძღვანელი შოთა მაჭავარიანი და "ავერსის" საზოგადოებასთან ურთიერთობის სამსახურის უფროსი ლალი ბრეგვაძე.

"დინამო" ასევე მადლობას უხდის მინერალური წყლების კომპანია "საირმეს" სპონსორობისა და გვერდში დგომისთვის. მათ ტურნირის მნიშვნელობასა და საორგანიზაციო საკითხებზე ილაპარაკეს.

თავდაპიირველად, პრესკონფერენციაზე დამსწრეებმა პატივი მიაგეს ქართული საჭადრაკო ოჯახის ღირსეული წარმომადგენლის, ნინო ხურციძის ხსოვნას...

ლევან გვანცელაძე: "24 აპრილს იწყება საერთაშორისო ტურნირი 2003 წელს დაბადებულ ჭაბუკებს შორის. ტურნირის მასპინძელი და ორგანიზატორია "დინამო თბილისი".

ჩვენი კლუბისთვის და მისი პრეზიდენტისთვის სტრატეგიულ მმიმართულებას წარმოადგენს ახალგაზრდული სექტორის განვითარება და სწორედ ასეთი ტურნირები უწყობს ხელს ახალგაზრდა ფეხბურთელების წარმოჩენას. შეჯიბრების მიზანია ახალგაზრდა ფეხბურთელების წარმოჩენა და დაოსტატება.

თამაშები ჩატარდება "დინამოს" აკადემიის ხელოვნურსაფარიან მოედანზე. ფინალური მატჩი კი "დინამო არენაზე" გაიმართება. ჯგუფურ ეტაპზე იქნება 35-წუთიანი ტაიმები, ხოლო ფინალში 40-წუთიანი".

არჩილ კეკელია: "ტურნირის საორგანიზაციო კომიტეტმა მზადება ნახევარი წლით ადრე დაიწყო. ეს ტურნირი ძალიან პოპულარული გახდა, იმდენად, რომ ევროპული გუნდები აკეთებენ განაცხადს მონაწილეობაზე. მაგალითად, ძალიან უნდოდა მონაწილეობა "გენტს", მაგრამ მისთვის ადგილი ვერ გამოინახა.

მსურველთა რიგებში იყო "იუვენტუსი"... იმედი გვაქვს, მომავალ წელს მონაწილეთა შორის იქნება მადრიდის "რეალის" ასაკობრივი გუნდიც".

ყოველდღიური სპორტული გაზეთი "ლელო"
1207
მკითხველის კომენტარები / 0 /
მსგავსი ამბები
რუბრიკის სხვა სიახლეები
;