ვიტ ჯორჯიას პრეზიდენტის გურამ რუხაძის კომენტარი ფეხბურთელების დაკავებასთან დაკავშირებით

ქართულ ფეხბურთში მორიგი და თან გვარიანი ბომბი გასკდა - გუშინ საღამოს, ბათუმის "დინამოსთან" მატჩის დასრულების შემდეგ, სახელმწიფო უსაფრთხოების სამსახურმა (სუს) "ვიტ ჯორჯიას" რამდენიმე ფეხბურთელი დააკავეს. დაკავებულთა თაობაზე ურთიერთგამომრიცხავი ინფორმაცია ვრცელდება.

ამიტომ, მათ გვარ-სახელებს, რა თქმა უნდა, ახლა არ ჩამოვთვლით, ვიდრე ოფიციალური ინფორმაცია არ გავრცელდება. ზოგიერთი წყაროს ინფორმაციით, ლაპარაკია 4 ფეხბურთელზე. ზოგი 5 მოთამაშეს ასახელებს, ზოგიც - 6-ს. როგორც შევიტყეთ, საქმე ეხება "რუსთავთან" გამართული ამასწინანდელი მატჩის შედეგით მანიპულირებას: "ვიტ ჯორჯია" 76-ე წუთამდე 2 ბურთით იგებდა, მაგრამ საბოლოოდ 2:3 დამარცხდა. მაგრამ ჩვენთვის ცნობილი გახდა, რომ "შავ სიაშია" სხვა მატჩებიც.

ვნახოთ, დაველოდოთ მოვლენათა განვითარებას, მანამდე კი "ვიტ ჯორჯიას" პრეზიდენტ გურამ რუხაძის კომენტარს გავეცნოთ. მას გუშინ გვიან ღამით დავუკავშირდით:

"მხოლოდ ის ინფორმაცია მაქვს, რომ ასეთი გაუგებრობა მოხდა. მე თბილისში ვარ, არ წავსულვარ თამაშზე. სავარაუდოდ, უფრო მეტი რამ ორშაბათისთვის გაირკვევა. დამიკავშირდით და მოგაწვდით დეტალურ ინფორმაციას".

5046
მკითხველის კომენტარები / 1 /
ძია მიხო
0
ასეთ რამეს კოლუზია ეწოდება და მეტად სამარცხვინო და ცუდ თვისებას წარმოადგენს. თუ როგორმე ამას არ გადავეჩვიეთ, ჩვენ სახელმწიფოს მშენებლობაში წინ ვერ წავალთ. ასეთი გარიგებები არა მარტო სპორტში ხდება, არამედ უმაღლეს სასწავლებელში, სასამართლოში, ბიზნესში და ა. შ. ბევრს ასეთი გზით "მაყუთის მოტეხვა" არც კი რცხვენია და მარიფათიანობად მიაჩნია.
მსგავსი ამბები
რუბრიკის სხვა სიახლეები
;