[ექსკლუზივი გიოტებორგიდან] 1700-გუნდიან (!!!) ტურნირზე ქართული დროშა აფრიალდა

ვიტ ჯორჯიას ახალგაზრდული გუნდი უკვე 23-ედ, 1997 წლიდან მონაწილეობს შვედეთში, მსოფლიოში უდიდეს და "ბავშვთა მსოფლიო ჩემპიონატად" წოდებულ გიოტებორგის, ანუ "გოტია ქაფზე".

ტურნირზე ჩვენს გარდა 1 700 გუნდია(!) ჩამოსული მსოფლიოს 75 ქვეყნიდან და ტურნირის გრანდიოზულმა გახსნამ გიოტებორგის "ულევის" გაძეძგილ 42 000-იან იმ სტადიონზე ჩაიარა, რომელზეც 1992 წელს ევროპის ჩემპიონატის ზღაპრულ ფინალში დანიის ნაკრებმა გერმანია 2-0 დაამარცხა.

ქართველი მწვრთნელის უპრეცედენტო საქციელი, რომელმაც ნორვეგიელები გადარია

რამდენიმე ციფრსაც დავასახელებ - ქუთაისისხელა გეტებორგში 104 საფეხბურთო (100 მეტრიანი) მინდორია, რომელზეც 15 ასაკობრივ კატეგორიაში მეტოქეები 4326 მატჩს გამართავენ!!!

სულ კი ამ ერთი კვირის მანძლზე გეტებორგს 35 000 ახალგაზრდა ეწვევა. ტურნირამდე პატარა გეორგიელებმა (2002-03 წელს დაბადებულები) ამხანაგური მატჩები გამართეს მაროკოს სენტ მარიოტთან 1-1 (გოლი საბურთალოდან დამატებულმა ზურაბ რუხაძემ შეაგდო). შემდეგ იორდანიის ემექსს 3-1 სძლიეს (ზურაბ რუხაძე, ნიკა მალაციძე, კოტე ლორთქიფანიძე), მექსიკის პუმასთან კი 2-2 ითამაშეს (გიორგი ჩიხლაძე, ტატო მორგოშია).

აღსანიშნავია, რომ მეტოქეები 2000-2001 წელს დაბადებულები არიან, რაკიღა ტურნირი 2002 წლიანებში არ ტარდება (შვედეთში ამ ასაკის ჭაბუკებს ეროვნული გამოცდები აქვთ და ტურნირზე 17 წლიანები არასდროს თამაშობენ).

ტურნირამდე თანამემამულეებს ეწვია და გაამხნევა "გიოტებორგის" მთავარი დამტყმელი ძალა გიორგი ხარაიშვილი, რომელმაც 22 ივლისს საკუთარ მატჩზე დაპატიჟა პატარა ვიტჯორჯიელები. ხარაიშვილთან ექსკლუზიურ ინტერვიუს შემდეგში შემოგთავაზებთ.

ლაშა ცეცხლაძე

2506
მკითხველის კომენტარები / 0 /
მსგავსი ამბები
რუბრიკის სხვა სიახლეები
;