ვიქტორ კოლელიშვილი: ანთიმოზ ივერიელის თასი უნდა დავიბრუნოთ!

საქართველოს ნაკრებმა გასულ წელს რუმინეთში 7:8 დათმო. 18 მარტს რევანსისთვის და ანთიმოზ ივერიელის თასის დაბრუნებისთვის იბრძოლებს. ამ საქმეში დიდი იმედი გვაქვს ვიქტორ კოლელიშვილის, რომელიც ქომაგს ტრიბუნების შევსებისკენ მოუწოდებს:

"შარშან ანთიმოზ ივერიელის თასი რუმინეთში დარჩა. ის აუცილებლად დასაბრუნებელი გვაქვს და მოტივაციაც შესაბამისია. იმედია, კარგი ამინდი იქნება და ვთხოვ გულშემატკივარს, რომ ტრიბუნები ბოლომდე შეავსოს ეროვნულ სტადიონზე. ვპირდებით, რომ კარგ თამაშს ვაჩვენებთ და თასსაც დავიბრუნებთ.

რუმინეთს ძალიან ბევრი ნატურალიზებული მოთამაშე ჰყავს. მართალია, მათ ერთი თამაში დათმეს, მაგრამ მაინც მოტივირებულები გამოვლენ, რადგან ჩვენთან გამარჯვებით ანთიმოზ ივერიელის და რაგბი ევროპის ჩემპიონატის თასს შეინარჩუნებენ. ტრადიციულად, რთული თამაში იქნება და, ვინც უკეთ მოემზადება, ის გაიმარჯვებს".

1181
მკითხველის კომენტარები / 0 /
მსგავსი ამბები
რუბრიკის სხვა სიახლეები