[VIDEO] ვიქტორ კოლელიშვილი: მე არ ვნებდები, არასდროს დავნებდები...  ეს საუკეთესო წამალი იქნება...

საქართველოს ნაკრების და ფრანგული გრანდის, „კლერმონის“ მესამეხაზელი ვიქტორ კოლელიშვილი დიდი ხანია მოედანზე არ გამოჩენილა.

გავრცელებული ინფორმაციით, მან რამდენჯერმე ზედიზედ ტვინის შერყევა მიიღო, რაც საშუალებას არ აძლევს სრულფასოვნად ივარჯიშოს და ითამაშოს. ახლახან, საფრანგეთის სარაგბო გაზეთმა „მიდი ოლიმპიკმა“ მასთან ინტერვიუ გამოაქვეყნა. გთავაზობთ ამონარიდს ამ პუბლიკაციიდან. 

[VIDEO] ვიტო კოლელიშვილს ვინც გადაუდგა, ყველა გალახა - მსაჯიც და მეტოქეც

- ბოლოს გასული წლის 6 ოქტომბერს, „ლა როშელის“ წინააღმდეგ ითამაშეთ. რა მოხდა? 

- ტვინის შერყევა მივიღე. მატჩის შემდეგ არ შემეძლო მეთქვა, რა ანგარიშით დამთავრდა თამაში, ვის ვეთამაშეთ და რომელ სტადიონზე. ამას დაერთო მხედველობის პრობლემები, თავის ტკივილი, არ შემეძლო დიდხანს კონცენტრირება ამა თუ იმ თემაზე. დილით რომ გავიღვიძე, თავის საშინელი ტკივილი მქონდა. ასეთ მდგომარეობაში ვიღვიძებდი თვე-ნახევრის განმავლობაში. 

- პირველად ტვინის შერყევა როდის მიიღეთ?

- 2015 წლის მსოფლიოს თასის შემდეგ ხუთჯერ თუ ექვსჯერ. თავიდან ვფიქრობდი, რომ ეს სერიოზული პრობლემა არაა. არ დამიკარგავს ცნობიერება, არ მქონდა არანაირი სიმპტომები, ამიტომ თამაშს განვაგრძობდი. თუმცა, უნდა გავჩერებულიყავი, რაღაც დრო მკურნალობისთვის უნდა დამეთმო. ახლა, როცა ექიმებს ვესაუბრები, უკვე ვიცი, ტვინის შერყევის დროს სულაც არ არის აუცილებელი გული გერეოდეს ან ცნობიერებას კარგავდე. 

- „კლერმონის“ მწვრთნელს, ფრანკ აზემას ეშინია, რომ თამაში გაიძულოს...

- დიახ, შესაძლოა ის მართალია. თუმცა, შინაგანად ვგრძნობ, რომ მოედანზე გასვლა და თამაში ჩემთვის საუკეთესო წამალი იქნება. 

- თქვენ ვარჯიშობთ?

- მინდოდა კონტაქტური ვარჯიშები დამეწყო, მაგრამ ვარჩიე კიდევ ცოტა მოვიცადო. ახლა ჩემი ვარჯიშის მეთოდები შეიცვალა. ერთი წლის წინ დაწოლილი 180 კილოგრამს ვწევდი, ჩაბუქვნით კი, 300 კილოგრამს. ახლა ასე აღარ შემიძლია. როგორც კი, თავს ვაიძულებ ისევ ისე ვივარჯიშო, ტკივილები მეწყება. ასე, რომ მხოლოდ დავრბივარ. უნდა გამიგოთ, ეს არც მხრისა და არც მუხლის ტრავმაა, ტვინის დაზიანება გაცილებით საშიშია.

- ექიმები რას ამბობენ?

- ზოგი ექიმი ამბობს, რომ საგანგაშო არაფერია. სხვები მაფრთხილებენ. თუმცა, ყველა ერთად თანხმდება, რომ ცოტა უნდა მოვიცადო. თუმცა, მე არ ვნებდები, არასდროს დავნებდები... 

ყოველდღიური სპორტული გაზეთი "ლელო"
1135
მკითხველის კომენტარები / 0 /
მსგავსი ამბები
რუბრიკის სხვა სიახლეები
;