ვლადიმერ ბოისა თორნიკე შენგელიაზე: დარწმუნებული ვარ, კონტრაქტს რომ აფორმებდა, საქართველოს ნაკრებზე ფიქრობდა

ისევე, როგორც საკალათბურთო სამყაროს სხვა წარმომადგენლებმა, ეროვნული ნაკრების ყოფილმა ლიდერმა, საქართველოს კალათბურთის ფედერაციის ვიცე-პრეზიდენტმა ვლადიმერ ბოისამ თორნიკე შენგელიას მოსკოვურ გუნდში გადასვლასთან დაკავშირებით საკუთარი პოზიცია სოცქსელსი დააფიქსირა:

"ნებისმიერი სპორტსმენის დიდი შრომა მიმართულია ერთი მიზნისკენ - მოიგოს უმაღლესი ტიტულები.

თორნიკე შენგელიასთვის ყოველთვის პირველ ადგილზე იყო ეროვნული ნაკრები და საქართველო. ევროპაში თამაშობდა თუ NBA-ში, იგი ყოველთვის დიდი სიხარულით ჩამოდიოდა სანაკრებო მატჩებისთვის.

დარწმუნებული ვარ, ცსკა-სთან კონტრაქტს რომ აფორმებდა, საქართველოს ნაკრებზე ფიქრობდა, რადგან სწორედ ამ გუნდიდან ექნება ევროლიგის სეზონის მსვლელობისას ნაკრებში ჩამოსვლის შესაძლებლობა.

მივესალმები თოკოს ევროლიგის მოქმედ ჩემპიონ გუნდში გადასვლას, სადაც საქართველოს ნაკრების კაპიტანი ლიდერად მიდის.

ვამაყობ, რომ ასეთი კალათბურთელის გვერდით მითამაშია და წარმატებებს ვუსურვებ ახალ კლუბში."

2341
მკითხველის კომენტარები / 0 /
მსგავსი ამბები
რუბრიკის სხვა სიახლეები
;