ვლადიმერ გუცაევი ერთა ლიგის წილისყრაზე: ველით თბილისურ ფინალს


უეფას ოფისში გამართულ წილისყრაზე გადაწყდა, რომ ერთა ლიგის "დ"დივიზიონის ფინალურ შეხვედრას საქართველოსა და ბელარუსის წყვილში გამარჯვებული უმასპინძლებს.

ევრო2020-ის ერთ საგზურისთვის "დ" ლიგის 4 საუკეთესო გუნდი იბრძვის. "დ" ლიგის პირველ ნახევარფინალში საქართველო ბელორუსს უმასპინძლებს, რომლის გამარჯვებული საკუთარ მოედანზე ჩრდილოეთ მაკედონიასა და კოსოვოს წყვილის მოგებულს მიიღებს.

"ლელომ" რამდენიმე ცნობილ საფეხბურთო მოღვაწეს კომენტარი ჩამოართვა.

თბილისის "დინამოსა" და ქართული ფეხბურთის ლეგენდა ვოვა გუცაევი. იმედოვნებს, რომ საქართველო ამ შეხვედრების მოგებას მოახერხებს.

"ყველა იმის იმედით ვართ და ვცხოვრობთ, რომ ევროპის ჩემპიონატზე გავალთ. ძალიან კარგია, რომ ერთა ლიგის ფინალს ჩვენი წყვილის გამარჯვებული რომ უმასპინძლებს. საამისოდ ბელარუსს უნდა მოვუგოთ, მე კი ამის იმედი მაქვს. მეორე წყვილში ძალიან კარგი გუნდები დაწყვილდნენ, მაგრამ შვეიცარიისა და დანიის დონის არც ერთი არაა. ეს მაიმედებს, რომ ევროპის ჩემპიონატის საფეხბურთო ზეიმზე საქართველოც მოხვდება" - ამბობს ვოვა გუცაევი.

2104
მკითხველის კომენტარები / 0 /
მსგავსი ამბები
რუბრიკის სხვა სიახლეები
;