ვლადიმერ ვაისი: მალტასთან ისე უნდა მოვიგოთ, გოლი არ გავუშვათ!

დღეს საქართველოს ნაკრები ამხანაგურ მატჩს გამართავს მალტის ეროვნულ გუნდთან. ვლადიმირ ვაისის გუნდი ავსტრიაშია და ბად ჰერინგის კომპლექსში ემზადება. ნაკრების თავკაცმა მატჩის წინ მცირე კომენტარი გააკეთა:

"ძირითადი შემადგენლობის ფეხბურთელები დაგვაკლდებიან. რას ვიზამთ, ასეც ხდება ხოლმე. მაგრამ არიან ახალგაზრდა ფეხბურთელები, რომლებიც საკუთარ შანსს ელიან და შეუძლიათ, აჩვენონ, რამდენად იმსახურებენ ნაკრებში თამაშს. ჩვენ ერთა ლიგისთვის ვემზადებით, რომელიც სექტემბერში დაიწყება.

ეს იქნება სიკვდილ-სიცოცხლის მატჩები. მალტასა და ლუქსემბურგთანაც ისეთი შედეგები გვინდა, როგორიც - მარტის ამხანაგურებში. ანუ, ისე უნდა მოვიგოთ, გოლი არ გავუშვათ. დიახ, ასეთი გადახალისებული შემადგენლობითაც უნდა მოვიგოთ. რაც შეეხება განლაგებას, 4-3-3 სქემით თამაშს ვაპირებთ", - ამბობს ვაისი.

საქართველოსა და მალტის ეროვნული გუნდები ერთმანეთს ავსტრიის ქალაქ შვაცში, 3-ათასიან "ზილბერშტად არენაზე" დაუპირისპირდებიან. მატჩის პირდაპირ რეპორტაჟს 21:00 საათიდან "პირველი არხი" შემოგვთავაზებს.

ყოველდღიური სპორტული გაზეთი "ლელო"
1280
მკითხველის კომენტარები / 0 /
მსგავსი ამბები
რუბრიკის სხვა სიახლეები
;