ვლადიმირ ვაისის სრული კომენტარი: ჩვენ შეგვიძლია ქართული ფეხბურთის ისტორია გადავწეროთ!..

ვლადიმირ ვაისი და მისი ვიზავი, ბელარუსის ნაკრების მთავარი მწვრთნელი მიხაილ მარხელი


"ეს სიკვდილ-სიცოცხლის საკითხია", - ასე შეაფასა ვლადიმირ ვაისმა ევრო 2020-ზე გასასვლელი პლეი ოფის წილისყრის შედეგები. მისი კომენტარი "ტვიტერზე" უეფას ოფიციალურმა გვერდმა გაავრცელა. საქართველოს ეროვნული ნაკრების მთავარი მწვრთნელის თქმით, საქართველოს ეროვნულ გუნდმა ისტორიული შანსი მიიღო. 

"ესარის სიკვდილ-სიცოცხლის საკითხი, ქართული ფეხბურთისთვის ისტორიული შანსი!.. ეს ის მომენტია, როც ჩვენ შეგვიძლია მისი ისტორია გადავწეროთ", - ამბობს ვაისი, რომელმაც უფრო ვრცლად ფეხბურთის ფედერაციის ვებგვერდთან ილაპარაკა:

"საინტერესო წილისყრა გამოვიდა, გაგვიმართლა და სასიხარულოა, რომ ბელარუსთან გამარჯვების შემთხვევაში, გადამწყვეტ მატჩს საკუთარ მოედანზე ვითამაშებთ. ნახევარფინალში ადვილი მეტოქე არ გვყავს, ევროპის ჩემპიონატზე თამაში მათი ოცნებაცაა და ამიტომ ფინალში გასვლა ადვილი არ იქნება. უპირველესად, კონცენტრაცია სწორედ ნახევარფინალურ მატჩზე გვჭირდება. ბელარუსთან უნდა ვაჩვენოთ, რა შეგვიძლია და რამდენად ძლიერი გუნდი გვყავს", - ამბობს ვლადიმირ ვაისი.

სლოვაკი სპეციალისტი იმედოვნებს, რომ საქართველოს ნაკრებს გულშემატკივრის დიდი მხარდაჭერა ექნება: "ერთა ლიგაზე ჩვენი გულშემატკივრები შესანიშნავ გარემოს ქმნიდნენ, ყაზახეთის, ლატვიისა და ანდორის წინააღმდეგ სტადიონი სავსე იყო და ეს ფაქტორი ჩვენთვის ძალიან მნიშვნელოვანია.

დარწმუნებული ვარ, სტადიონი მარტშიც გაივსება იმიტომ, რომ ქართველი გულშემატკივარს უდიდესი სურვილი აქვს ევროპის ჩემპიონატზე გასვლის და სჯერა ჩვენი ფეხბურთელების, ისევე, როგორც - მე. აქედან გამომდინარე, ყველაფერი უნდა გავაკეთოთ მიზნის მისაღწევად. ეს ადვილი არ იქნება, მოლოდინი ძალიან დიდია და, შესაბამისად, ფსიქოლოგიური წნეხი იზრდება".

შეგახსენებთ, რომ ევრო 2020-ის ერთ-ერთი საგზურისთვის საქართველოს ნაკრები თბილისში ბელარუსს უმასპინძლებს და ამ წყვილის გამარჯვებული ჩრ. მაკედონია-კოსოვოს შორის საუკეთესოს შეხვდება. პარასკევის წილისყრაზე სწორედ მთავარი საკითხი გადაწყდა - თუ საქართველო ბელარუსს დაამარცხებს, ფინალურ მატჩსაც (რომლის გამარჯვებული ევროპის ჩემპიონატის საგზურს მიიღებს) თბილისში გამართავს.

5320
მკითხველის კომენტარები / 5 /
კ ო მ ბ ლ ე
0
მართალი ხარ! კრივი სჯობია .... უ ნას დლინიე რუკი!!!
შვილები ისრაელისა
0
უფრო უნდა იბრძოლონ ბურთის ჩასაგდებათ. სხვანაირად არაფერი არ გამოვა.
მსგავსი ამბები
რუბრიკის სხვა სიახლეები
;