ვლადიმირ ვაისი: ცვლილებები იქნება, დავითაშვილიც დაგვაკლდება... ასტანა? მე ჯერ აქ ვარ...

ევროპის 2020 წლის ჩემპიონატის შესარჩევ ციკლში საქართველოს ეროვნული ნაკრები 8 სექტემბერს "დინამო არენაზე" დანიას უმასპინძლებს. ჩვენი გუნდის მთავარმა მწვრთნელმა ვლადიმირ ვაისმა პრესკონფერენციაზე მომავალ შეხვედრასთან დაკავშირებით ილაპარაკა და "ჯვაროსნების" მზადებაზე, შესაძლო ცვლილებებსა და და ამა თუ იმ მოთმაშის არგამოძახების მიზეზებზე დასმულ კითხვებსაც უპასუხა.

- დანიასთან მატჩისთვის მზადება სტამბოლში, სამხრეთ კორეასთან მატჩით დავიწყეთ. მიმაჩნია, რომ კარგად ვითამაშეთ. კარგია, რომ ნაკრებს დაუბრუნდნენ ოქრიაშვილი, ანანიძე და ქვილითაია...

...რაც შეეხება ტრავმირებულებს, სამწუხაროდ, დანიასთან დაგვაკლდებიან დავით ხოჭოლავა, ლაშა დვალი და ზურიკო დავითაშვილი - მიზეზი ტრავმებია. არადა, ზურიკომ სამხრეთ კორეასთან კარგად ითამაშა...

...ხარაიშვილი კარგი მოთამაშეა, მაგრამ შეტევაში არჩევანი უფრო გამოცდილ მოთამაშეებზე შევაჩერე - ოქრიაშვილზე, ლობჟანიძეზე, ანანიძეზე... იმავეს ვიტყვი ზარანდიასა და არაბიძეზე. თითოეულ მათგანს ვაკვირდები, მაგრამ ამ ეტაპზე სხვა მოთამაშეებზე შევაჩერე არჩევანი...

...სამხრეთ კორეასთან მეტი გოლი უნდა გაგვეტანა. საერთოდ, ჩვენი ერთ-ერთი მთავარი პრობლემა საგოლე მომენტების გამოუყენებლობაა. საკადრო პრობლემების გამო, შემადგენლობაში ცვლილები იქნება...

...ვინ ითამაშებს კვეკვესკირისა და კანკავას ნაცვლად? ნახევარდაცვის ცენტრში თამაში რამდენიმე ფეხბურთელს შეუძლია თამაში - კიტეიშვილს, გვილიას, დაუშვილს... დაუშვილი კანკავას სტილის მოთამაშეა და მის დაყენებას არ გამოვრიცხავ.

შემდეგ ვაისმა მისი სამომავლო გეგმების შესახებ და ყაზახურის გამოცემა KazFootball.kz-ის მიერ გავრცელებულ ინფორმციაზეც გააკეთა კომენტარი, თითქოს "ასტანას" მთავარი მწვრთნელი რომან გრიგორჩუკი თანამდებობას ტოვებს და მას საქართველოს ნაკრების მთავარი მწვრთნელი შეცვლის...

- კულისებში მოლაპარაკებების პროცესი სულ შეიძლება მიდიოდეს, მაგრამ ეს არაფერს ნიშნავს. მთავარია, ახლა საქართველოს ნაკრებს დანიასთან მატჩისთვის ვამზადებ. მე ჯერ აქ ვარ და აქ ვმუშაობ.

2469
მკითხველის კომენტარები / 0 /
მსგავსი ამბები
რუბრიკის სხვა სიახლეები
;