ზაზა ფაჩულიამ და "გოლდენ სტეიტმა" სტუმრად "დალასს" მოუგეს [VIDEO]

თბილისის დროით 24 ოქტომბერს, გამთენიისას, ზაზა ფაჩულიას "გოლდენ სტეიტმა" NBA-ს რეგულარული ჩემპიონატის მორიგი მატჩი გამართა. "ურიორსი" ფაჩულიას ყოფილ გუნდს, "დალას მევერიქსს" ესტუმრა და მეტოქე ანგარიშით 133:103 დაამარცხა.

ქართველი ცენტრი სასტარტო ხუთეულში იყო და მოედანზე საერთო ჯამში 14:02 წუთი გაატარა. ამ ხნის განმავლობაში ფაჩულიამ 2 ქულა და 7 მოხსნა მოაგროვა. ზაზამ 3-დან ერთი ორქულიანი ჩააგდო.

შეხვედრაში ყველაზე მეტი, 29 ქულა სტეფ კარიმ ჩააგდო, რასაც 8 პასი და 2 მოხსნა მიამატა. კევინ დურანტმა 25 ქულა, 6 პასი და 8 მოხსნა ჩაიწერა აქტივში. კლეი ტომპსონმა 21 ქულა მიითვალა.

მომდევნო შეხვედრას ზაზა ფაჩულიას გუნდი 26 ოქტომბერს შინ, "ტორონტოსთან" გამართავს.

"გოლდენ სტეიტი" 2 მოგებითა და 2 მარცხით დასავლეთ კონფერენციაში მე-8 ადგილზეა.

დღის სხვა მატჩები ასე დასრულდა:

დეტროიტი-ფილადელფია 86:97
მაიამი-ატლანტა 104:93
ჰიუსტონი-მემფისი 90:98
მილუოკი-შარლოტი 103:94
სან ანტონიო-ტორონტო 101:97
დენვერი-ვაშინგტონი 104:109
ფინიქსი-საკრამენტო 117:115

Sportall.ge

923
მკითხველის კომენტარები / 0 /
მსგავსი ამბები
რუბრიკის სხვა სიახლეები
;