ზაზა ფაჩულიამ და "გოლდენ სტეიტმა" NBA მარცხით დაიწყეს [VIDEO]

თბილისის დროით 18 ოქტომბერს დილით, ზაზა ფაჩულიას "გოლდენ სტეიტმა" NBA-ს ახალი სეზონის პირველი მატჩი გამართა.

"უორიორსმა" "ჰიუსტონ როკეტსს" უმასპინძლა და ერთი ქულის სხვაობით, ანგარიშით 121:122 დამარცხდა. მატჩის მიწურულს კევინ დურანტმა მომგებიანი ორქულიანი ისროლა, თუმცა, როგორც გამეორებიდან გამონჩდა, მისი ტყორცნა სირენის შემდეგ განხორციელდა და შესაბამისად ქულები გაუქმდა.

ქართველი ცენტრი სასტარტო ხუთეულში იყო და საერთო ჯამში მოედანზე 10 წუთი გაატარა. ამ ხნის განმავლობაში ფაჩულიამ 6 ქულა, 3 მოხსნა და 1 დაფარება მიითვალა. აღსანიშნავია, რომ ზაზას სრილის 100-პროცენტიანი სიზუსტე ჰქონდა. ქართველმა ორივე ორქულიანი ჩააგდო და ორი საჯარიმოც გამოიყენა.

დრეიმონდ გრინს სამმაგ დუბლამდე 1 ქულა დააკლდა, საბოლოოდ მის ანგარიშზე 9 ქულა, 11 მოხსნა და 13 პასი დაგროვდა.

კევინ დურანტმა 20 ქულა, სტეფ კარიმ - 22, ხოლო კლეი ტომსპონმა 16 ქულა მოაგროვა.

ორმაგი დუბლით გამოირჩა "ჰიუსტონიდან" ჯეიმს ჰარდენი, რომელმაც 27 ქულა და 10 პასი მოაგროვა. აი, "როკეტსის" ახალწვეულმა კრის პოლმა 4 ქულა, 8 მოხსნა და 11 პასი მოაგროვა.

810
მკითხველის კომენტარები / 0 /
მსგავსი ამბები
რუბრიკის სხვა სიახლეები