ზაზა ფაჩულიას აკადემია ბელგიის ტურნირის ჩემპიონია!

ბელგიის დიდი საერთაშორისო ტურნირი ზაზა ფაჩულიას აკადემიის გამარჯვებით დასრულდა, რომელსაც დეიან პროკიჩი წვრთნის.

ქართულმა გუნდმა მაქსიმალური კონცენტრაციით ჩაატარა მთელი ტურნირი და ბოლო დონეზე, ფინალში 93:90 გააჩერა ბელგიის ჩემპიონი აღნიშნულ ასაკობრივ ჯგუფში (U 17) "ოსტენდე".

ფინალში იყო ბრძოლა. და ჩვენმა გუნდმა ხასიათის სიმტკიცით გამარჯვებას მიაღწია.

ინდივიდუალურად რომელიმე მოთამაშის გამორჩევა არასწორია. ეს იყო მთელი გუნდის, ყველა მწვრთნელის, მთელი აკადემიის მიერ მოპოვებული გამარჯვება. ზაზა ფაჩულიას აკადემიის გუნდი ბელგიაში საუკეთესო იყო.

ჟულივეტ ტოუჯანი (ასისტენტი მწვრთნელი): "მინდა, მადლობა გადავუხადო ყველას, ვინც მიიღო მონაწილეობა ამ წარმატებაში, ვინც შექმნა ეს შედეგი. მადლობა ზაზა ფაჩულიას, რომელიც ყოველთვის ყურადღებით ეცნობა ყველაფერს. მოთამაშეებმა ყველაფერი გააკეთეს, რომ ეს გამარჯვება მოსულიყო. ვაგრძელებთ მუშაობას."

ტურნირის საუკეთესო მოთამაშე გახდა ზაზა ფაჩულიას აკადემიის წევრი ლუკა მაზიაშვილი.

ზაზას აკადემიის პრესსამსახური

2097
მკითხველის კომენტარები / 0 /
მსგავსი ამბები
რუბრიკის სხვა სიახლეები