ზაზა ფაჩულიას 'დეტროიტი' აღარ ხუმრობს - ზედიზედ მესამე [VIDEO]

"დეტროიტ პისტონსმა" ზედიზედ მესამე მატჩი მოიგო და საპლეიოფო ზონასთან ერთ ნაბიჯშიღაა. მიჩიგანელებმა "ნიუ იორკს" 120:103 სძლიეს.

შეხვედრა მეტად ფერადოვანი გამოვიდა: პირველი ტაიმი "დეტროიტისა" იყო, მეტოქეს 41:22 აჯობა; მეორე და მესამე რაუნდებში ნიუიორკელებმა ბევრი იწვალეს და თამაშში დაბრუნდნენ - მეოთხე პერიოდის წინ მხოლოდ 5 ქულას აგებდნენ (84:89); თუმცა ბოლო პერიოდში ანდრე დრამონდმა იფრინა და სტუმრებს შანსი არ დაუტოვა - 31:19 თორმეტწუთეულში და 120:103 მატჩში.

დრამონდმა 33 წუთში 29 ქულა და 20 მოხსნა მოაგროვა, ბლეიქ გრიფინმა 26 შეაშველა, ხოლო ზაზა ფაჩულიას მონაგარი ასეთი იყო: 12 წუთი, 4 ქულა (3-დან 2 ორქულიანი), 2 მოხსნა, 2 დაფარება.

"დეტროიტ პისტონსს" 25 გამარჯვება, 29 მარცხი აქვს და პლეი ოფის ზონასთან (რვაეულთან) ერთ ნაბიჯშია. მერვეადგილოსან "მაიამის" 25 მოგება და 28 წაგება აქვს. ზაზას უახლოესი შეხვედრა 12 თებერვალს "ვაშინგტონ ვიზარდსთან" შინ ელის.

890
მკითხველის კომენტარები / 0 /
მსგავსი ამბები
რუბრიკის სხვა სიახლეები
;