ზაზა ფაჩულიას დეტროიტმა მემფისთან საოცრად შემოატრიალა და პლეი ოფის კარს მიუკაკუნა

ზაზა ფაჩულიას დეტროიტ პისტონსმა ოთხწაგებიანი სერია მემფისთან გამარჯვებით დაასრულა. მიჩიგანელები მეოთხე პერიოდში 15 ქულის სხვაობით მარცხდებოდნენ, თუმცა თამაშის შემოტრიალება მოახერხეს, იშ სმიტის სამქულიანებისა და ანდრე დრამონდის ფარქვეშ დომინირების წყალობით 100:93 მოიგეს.

ქართველმა ცენტრმა პარკეტზე 7 წუთი გაატარა და ამ დროში თავი 3 ქულას და 6 მოხსნას მოუყარა.

ყველაზე შედეგიანი "დეტროიტის" მოთამაშე იშ სმიტი იყო, რომელმაც თავი 22 ქულას, 4 პასს და 3 მოხსნას მოუყარა. 20 ქულით და 17 პასით გამოირჩა ანდრე დრამონდი, ბლეიკ გრიფინმა კი ცუდი შეხვედრა ჩაატარა - 18:21 წუთში 5 ქულა, 1 პასი, 3 მოხსნა.

დეტროიტი აღმოსავლეთის კონფერენციაში მერვე ადგილზეა. ამ პოზიციის შენარჩუნება პლეი ოფში თამაშის გარანტიაა. საამისოდ კი აუცილებელია დეტროიტმა რეგულარული ეტაპის ბოლო მატჩში ნიუ იორკი დაამარცხოს. ან პისტონსის უშუალო კონკურენტმა დათმოს ორლანდოსთან.

დეტროიტი ნიუ იორკთან 11 აპრილს გამთენიისას ითამაშებს.

ყოველდღიური სპორტული გაზეთი "ლელო"
1098
მკითხველის კომენტარები / 0 /
მსგავსი ამბები
რუბრიკის სხვა სიახლეები
;